سينوپتيكتەردىڭ 15-قاڭتار كۇنگى اۋا رايى بولجامى

رەسپۋبليكانىڭ كەي جەرلەرىندە تۇمان، كوكتايعاق، بۇرقاسىن جانە كۇشتى جەل بولجانادى، دەپ حابارلايدى قازاقپارات.

«قازگيدرومەت» ر م ك- نىڭ مالىمەتىنە سۇيەنسەك، الماتى وبلىسىنىڭ كەي جەرلەرىندە تۇمان، كوكتايعاق كۇتىلەدى. جالاڭاشكول اۋدانىندا 18-23 م/س ەكپىنمەن سوققان جەلدىڭ جىلدامدىعى 28 م/س كۇشەيەدى.

شىعىس قازاقستان وبلىسىنىڭ كەي جەرلەرىندە جاياۋ بۇرقاسىن كۇتىلەدى، جەلدىڭ كۇشى 15-20، جارما اۋدانىندا 25 م/س ارتادى.

جامبىل، تۇركىستان، قىزىلوردا وبلىستارىنىڭ كەي جەرلەرىندە تۇمان، كوكتايعاق بولجانادى، جەل 15-20 م/س كۇشەيەدى. جامبىل مەن تۇركىستان وبلىستارىندا جەل ەكپىنى 23-28 م/س جەتۋى ىقتيمال.

باتىس قازاقستان وبلىسىنىڭ كەي جەرلەرىندە تۇمان، كوكتايعاق، بۇرقاسىن كۇتىلەدى، كۇندىز جەلدىڭ جىلدامدىعى 15-20 م/س جەتەدى.

اقمولا وبلىسىنىڭ كەي جەرلەرىن تۇمان باسىپ، جاياۋ بۇرقاسىن جۇرەدى. تۇندە جانە تاڭەرتەڭ جەلدىڭ ەكپىنى 15-20 م/س كۇشەيەدى.

سولتۇستىك قازاقستان وبلىسىنىڭ كەي جەرلەرىندە تۇمان، جاياۋ بۇرقاسىن قۇتىلەدى، جەل 15-20 م/س ارتادى.

قاراعاندى وبلىسىنىڭ كەي جەرلەرىندە بۇرقاسىن، كوكتايعاق بولادى، جەلدىڭ كۇشى 15-20 م/س جەتەدى.

ماڭعىستاۋ، اقتوبە، اتىراۋ، قوستاناي وبلىستارىنىڭ كەي جەرلەرىندە تۇمان كۇتىلەدى، اتىراۋ وبلىسىنىڭ كەي جەرلەرىندە كوكتايعاق بولجانادى.

پاۆلودار وبلىسىندا جەل 15-20 م/س كۇشەيەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى