قازاقستاننىڭ التىن قورى الەم بويىنشا 15-ورىنعا جوعارىلادى

جىل باسىنان باستاپ ەلدە شامامەن 88,5 توننا التىن وندىرىلگەن. جاڭا كەن ورىندارىنىڭ ىسكە قوسىلۋى، ءوندىرىس كولەمىنىڭ ارتۋى، زاڭنامالىق اكتىلەردەگى ءبىرقاتار وزگەرىس پەن تولىقتىرۋلار، سونداي- اق ۇلتتىق بانك تاراپىنان سۇرانىستىڭ تۇراقتى بولۋى وسىمگە وڭ سەپتىگىن تيگىزدى.

 ستاتيستيكا كوميتەتىنىڭ دەرەگى بويىنشا، قاراشا ايىندا ءتۇستى مەتالل ءوندىرۋ كولەمى 8,5 توننادان اسقان. وسى قارقىن 4 اي قاتارىنان جالعاسىپ كەلەدى. ال قىركۇيەك ايىندا 9 توننادان اسىپ، رەكورد تىركەلدى. جالپى ءوندىرىس قارقىنىنىڭ جوعارىلاۋى بىرنەشە فاكتورعا بايلانىستى. ماسەلەن، وسى جىلدىڭ ماۋسىم ايىندا شىعىس قازاقستاندا «باقىرشىق» التىن كەن ورنى ىسكە قوسىلدى. ونداعى قور كولەمى 280 توننا، الايدا اسىل تاستى الۋ تەحنولوگياسى كۇردەلى. دەگەنمەن ءوندىرىس قۋاتتىلىعىن جىلىنا 10 تونناعا ارتتىرۋ كوزدەلىپ وتىر.

بۇگىندە «بۇكىل الەمدىك التىن كەڭەسىنىڭ» دەرەگى بويىنشا، وتاندىق قوردىڭ جالپى كولەمى 341 توننانى قۇرايدى. ال جەرگىلىكتى ستاتيستيكا كوميتەتىنىڭ دەرەگىنشە، وڭدەلمەگەن نەمەسە جارتىلاي وڭدەلگەن التىننىڭ ەكسپورت قۇنى جىل باسىنان 4 ميلليون دوللارعا جەتكەن. وسىدان 5 ھجىل بۇرىنعى كورسەتكىشپەن سالىستىرساق، التىن ءوندىرۋ كولەمى شامامەن 40 تونناعا ارتىپتى.

ماسەلەن، 2014 -جىلى -  49 توننا، 2015-تە -  63 ت، 2016-دا -  74 جانە 2017 -جىلى 85 توننانى قۇراعان. سوڭعى رەت ايلىق ءوندىرىستىڭ كولەمى 2015 -جىلدىڭ ماۋسىم ايىندا عانا ءسال تومەندەگەن. ال بيىلعى كورسەتكىشتى وتكەن جىلعى كەزەڭمەن سالىستىرساق، ءوسىم دەڭگەيى -  شامامەن 20 پروتسەنت.

الەمدىك قور نارىعىنا تەڭگە توتەپ بەرە الا ما؟

 ءتول تەڭگەمىز الەمدىك قور نارىعىنداعى وزگەرىستەرگە قانشالىقتى توتەپ بەرە الادى. «وسىلاي دەپ الاڭداۋعا تولىق نەگىز بار» ، -  دەيدى ساراپشىلار. ويتكەنى اقش- تىڭ فەدەرالدىق رەزەرۆتىك قىزمەتى بازالىق مولشەرلەمەنى ءوسىرىپ وتىر. بۇل جاعداي قازاقستاندى دا اينالىپ وتپەيتىنى بەلگىلى. ماسەلەن، الەمنىڭ الپاۋىت ەكونوميكالارى اراسىنداعى ساۋدا سوعىسى، قور نارىقتارىنا كەرى اسەر تيگىزىپ وتىر. ارتىنشا قورعانىس اكتيۆتەرگە سۇرانىس ارتىپ، التىن قۇنى ورتاشا ەسەپپەن 3-4 پروتسەنتكە جوعارىلايدى. ساراپشىلاردىڭ ساناۋىنشا، الداعى ۋاقىتتا دوللار ارزانداۋى مۇمكىن. ءبىراق بۇل جاعدايدا تەڭگە رۋبلگە تاۋەلدى بولعاندىقتان، ءتول ۆاليۋتامىزعا وڭ اسەر بەرەدى دەپ ويلاۋ قاتە تۇسىنىك. قارا التىن باعاسى دا جۋىردا باررەلى ءۇشىن 50 دوللارعا ارزانداپ جاتسا، تاڭ قالۋدىڭ قاجەتى شامالى. ال جىل سوڭىندا ادەتتەگىدەي ۆاليۋتاعا دەگەن سۇرانىس ارتسا، باعامنىڭ تۇراقسىزدانۋى -  زاڭدىلىق.

 Astana Best Consulting Group ەكونوميسى ارمان بايعانوۆتىڭ ايتۋىنشا، وسىنىڭ كەسىرىنەن ەلگە تارتىلار ينۆەستيتسيا كولەمى ءبىرشاما ازايۋى مۇمكىن.

 ارمان بايعانوۆ، Astana Best Consulting Group ەكونوميسى:

 - ا ق ش- تىڭ فەدەرالدىق رەزەرۆتىك جۇيەسىندە بازالىق مولشەرلەمەنىڭ جوعارىلاۋىنا بايلانىستى دامۋشى ەلدەردەگى ينۆەستيتسيا كولەمى، كەرىسىنشە، ازايۋى مۇمكىن. بۇل ءوز كەزەگىندە قور نارىعىنا كەرى اسەرىن تيگىزىپ، الەمدىك ەكونوميكانىڭ دامۋىنا تەجەۋ بولادى. ارتىنشا، مۇنايعا دەگەن سۇرانىس تا تومەندەيدى. قازاقستان قور بيرجاسىنىڭ تاياۋدا عانا اياققا تۇرىپ كەلە جاتقانىن ەسكەرسەك، ەلدەن ءىرى كولەمدە كاپيتالدىڭ شىعا قويۋى ەكىتالاي. ءبىراق ءىرى كولەمدە ينۆەستيتسيا تارتۋ دا قيىنداي تۇسپەك. نەگىزى كەز كەلگەن نارىق ءار 8-10 جىلدا ءبىر جاڭارتىلىپ وتىرادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى