قىسقى وليمپيادا ويىندارىنىڭ باستالۋىنا 15 كۇن قالدى
بيىلعى جىلدىڭ باستى دوداسىنا قازىر قازاقستان قۇراماسى قىزۋ دايىندىق ۇستىندە. وسىدان بىرەر كۇن بۇرىن الماتىدا وتكەن وليمپياداشىلاردى ارنايى شىعارىپ سالۋ راسىمىندە ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەلسيار قاناعاتوۆ قىسقى ويىنعا سپورتشىلار 49 جولداما جەڭىپ العانىن جاريا ەتتى. سونداي-اق، جولدامالار سانى ءالى تولىعاتىنى ايتىلعان ەدى.
ХХІІІ قىسقى وليمپيادا ويىندارىندا سپورتتىڭ 15 تۇرىنەن 102 مەدال جيىنتىعى ساراپقا سالىنادى. قازاقستان قۇراماسى سپورتتىڭ 9 تۇرىنەن ەل نامىسىن قورعايدى. ءتورتجىلدىقتىڭ باستى دوداسىندا باس جۇلدە جەڭىپ العان سپورتشىعا 250 مىڭ ا ق ش دوللارى، كۇمىسكە قول جەتكىزگەن سپورتشىعا 150 مىڭ ا ق ش دوللارى جانە قولا جۇلدەگەر اتانعان سپورتشىعا 75 مىڭ ا ق ش دوللارى كولەمىندە مەملەكەت قازىناسىنان ارنايى سىياقى قاراستىرىلعان.
ەستەرىڭىزگە سالا كەتەيىك، قىسقى وليمپيادا ويىندارى 9-25- اقپان ارالىعىندا وڭتۇستىك كورەيانىڭ پحەنچحان قالاسىندا وتەدى.
اۆتور: كۇنسۇلتان وتارباي
