كوشى-قون زاڭدارىن بۇزعان وزبەكستاننىڭ 15 ازاماتى ەل اۋماعىنان شىعارىلدى

جامبىل وبلىستىق سوتىنىڭ باسپا ءسوز قىزمەتى مالىمدەگەندەي، جەرگىلىكتى سوت وزبەكستان رەسپۋبليكاسىنىڭ 15 ازاماتىنا قاتىستى ق ر اكىمشىلىك قۇقىقبۇزۋشىلىق كودەكسىنىڭ 517 -باپ، 5 -تارماعى بويىنشا اكىمشىلىك ءىستى قارادى.

كورشى ەلدىڭ ازاماتتارى قازاقستان اۋماعىنا كىرۋ ماقساتتارىن، كوشى-قون كارتالارىندا «جەكە شارۋالارى» بويىنشا دەپ كورسەتكەن. شىن مانىندە ولار مەركى اۋدانىنداعى جەكە ۇيلەردىڭ بىرىنە جالدانىپ جۇمىس ىستەگەن. ياعني، قازاقستاننىڭ كوشى-قون جونىندەگى زاڭناماسىن بۇزىپ، رۇقساتسىز ەڭبەككە جالدانعان.

سوت قاۋلىسىنا سايكەس، وزبەكستان ازاماتتارى كىنالى دەپ تانىلىپ، قازاقستان رەسپۋبليكاسى اۋماعىنان شىعارىلدى.

سوت شەشىمى ءالى زاڭدى كۇشىنە ەنگەن جوق، - دەپ قوستى مەركى اۋداندىق سوتىنىڭ باسپا ءسوز قىزمەتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى