اقمولا وبلىسىندا 15 مىڭ تەڭگە پارا العان اسكەري لاۋازىمدى تۇلعا ءىرى كولەمدە ايىپپۇل تولەيتىن بولدى

«اقمولا گارنيزونى اسكەري سوتى اقمولا وبلىسى شۋچينسك قالاسىنىڭ بىرىككەن قورعانىس ىستەرى باسقارما باسشىسىنىڭ مىندەتىن اتقارۋشىسى ازامات ز. -عا قاتىستى ق ر ق ك 366-بابى، 2-تارماعىمەن كوزدەلگەن سىبايلاس جەمقورلىق قىلمىس جاساۋ جونىندەگى ءىستى قارادى.

سوتتا انىقتالعانداي ازامات ز. اسكەري بيلەتىن جاساتىپ الماق بولعان ازامات ر. -نى بوپسالاپ، 15 مىڭ تەڭگە كولەمىندە پارا تالاپ ەتكەن.

كەيىن كوپ ۇزاماي ز. سىبايلاس جەمقورلىققا قارسى ءىس-قيمىل قىزمەتىنىڭ قىزمەتكەرلەرىمەن پارا الۋ كەزىندە قولعا ءتۇستى. سوتتا، ايىپتى ءوزىنىڭ كىناسىن تولىق مويىنداپ، وكىنەتىنىن ايتقان. وعان قوسا، ونىڭ بۇرىندارى سوتتى بولماعانى جانە كامەلەتتىك جاسقا تولماعان ەكى بالانى اسىراپ وتىرعانى ەسكەرىلدى.

وسىلايشا، اقمولا وبلىسى گارنيزونىنىڭ اسكەري سوتى ز. -نى ق ر ق ك 366-بابىنىڭ 2- ءبولىمى بويىنشا كىنالى دەپ تانىپ، 883032 تەڭگە كولەمىندە ايىپپۇل تولەۋ جازاسىن تاعايىندادى. وعان قوسا، «مايور» اسكەري شەنى مەن ءومىر بويىنا جوعارى لاۋازىمدى قىزمەت اتقارۋ قۇقىعىنان ايىردى. ۇكىم زاڭدى كۇشىنە ەنگەن جوق»، دەلىنگەن حابارلامادا.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى