ۇلىتاۋ توبى 15 جىلدىق مەرەيتويىنا وراي ەلوردا كۇنى كونسەرت وتكىزەدى
وسىدان 15 جىل بۇرىن وتاندىق شوۋ- بيزنەستە بۇرىنعى مۋزىكانى قازىرگى زامانعى ارلەۋمەن ورىندايتىن بىرەگەي ۇجىم - قازاقستاندىق « ۇلىتاۋ» ەتنو-روك توبى قۇرىلدى. وسى جىلدارى دومبىرا، سكريپكا جانە گيتارانىڭ تريوسىنا بارابان مەن كلاۆيشتى اسپاپتار قوسىلدى. بۇل بۇرىننان بەلگىلى كومپوزيتسيالاردى ەرەكشە مانەردە ورىنداۋعا مۇمكىندىك بەرەدى.
جوبانىڭ نەگىزىن قالاۋشى ءارى جەتەكشىسى قىدىرالى بولمانوۆ توپتىڭ بىرەگەيلىگى ۇلتتىق كولوريت ەكەندىگىن جانە ءاربىر قازاقستاندىققا جاقىن ۇلتتىق كولوريتكە نەگىزدەلەتىنىن ۇدايى قايتالاپ وتىرادى.
- دومبىرانىڭ ءۇنى جان تەبىرەنتەرلىك. « ۇلىتاۋ» ورىندايتىن مۋزىكا بارىنە دە ۇنايتىنىنا سەنىمدىمىن. بۇل جوبا قازاق حالىق اسپاپتارىنىڭ شەكسىز مۇمكىندىكتەرىن كورسەتىپ قانا قويماي، الەمدىك كلاسسيكانىڭ ايگىلى تۋىندىلارىن جانە ۇزدىك زاماناۋي موتيۆتەردى جاڭا يمپروۆيزاتسيامىەن جەتكىزۋ ءۇشىن جاسالدى، - دەيدى ءقىدىرالى بولمانوۆ.
بيىل تانىمال مۋزىكانت ءارى پروديۋسەر بىردەن بىرنەشە مەرەيتويدى اتاپ وتپەك. وسىعان وراي 6 -شىلدەدە «الاۋ» مۇز سارايىنىڭ ساحناسىندا ەلوردانىڭ 18 جىلدىعىنا ارنالعان مەرەكەلىك كونسەرت وتەدى.
كەلۋشىلەر « ۇلىتاۋ» توبى، قاراقات ءابىلدينا مەن قىدىرالى بولمانوۆتىڭ ورىنداۋىنداعى ەرەكشە جارىقتاندىرۋدىڭ سۇيەمەلدەۋىمەن جاڭا جانە ەسكى اندەردى تىڭدايدى. مەرەيتوي يەلەرىن شىعارماشىلىقتاعى ارىپتەستەرى مەن دوستارى دا قۇتتىقتايدى.
