عالىمدار 15 جىلعى زەرتتەۋدەن كەيىن ۇيقىعا كەش جاتۋدىڭ ادام ءۇشىن تاعى ءبىر زيانىن انىقتادى
زەرتتەۋشىلەردىڭ ايتۋىنشا، كەش جاتاتاتىن ادامدار ەرتە ۇيقىعا كەتەتىندەرگە قاراعاندا ارتىق سالماقتى تەز جينايدى، دەپ جازادى meddaily.ru.
كاليفورنيا ۋنيۆەرسيتەتىنىڭ عالىمدارى ۇيقى رەجيمىن دۇرىس ساقتامايتىن ادامدار بەس جىلدىڭ ىشىندە ايتارلىقتاي سەمىرەتىنىن ايتىپ وتىر.
Berkeley سايتىنىڭ جازۋىنشا، كەش جاتۋعا داعدىلانعان ادامدار سپورتپەن بەلسەندى تۇردە شۇعىلدانسا دا، اعزاداعى زات الماسۋدىڭ وزگەرىستەرىنە بايلانىستى سەمىرۋ دەرتىنەن قۇتىلا المايتىن كورىنەدى.
«ءبىز جاساعان قورىتىندىلار، دارىگەرلەر مەن اتا- انالارعا جاس ۇرپاقتىڭ ۇيقىعا جۇمسايتىن جالپى ۋاقىتىن عانا ەمەس، ۇيىقى مەزگىلىنە دە نازار اۋدارۋى ءتيىس ەكەنىن كورسەتتى»، - دەپ مالىمدەدى زەرتتەۋ جۇمىسىنىڭ جەتەكشىسى لورەن اسارنوۋ.
دەمەك، بالانىڭ 12 ساعات «مەزگىلسىز» ۇيىقتاعانىنان گورى ەرتەرەك جاتىپ ەرتەرەك ۇيقىسىن قاندىرۋى ءبىرىنشى كەزەكتەگى ماسەلەگە اينالىپ وتىر، دەيدى ماماندار.
عالىمدار وسىنداي قورىتىندىنى 1994-2009 - جىلدار ارالىعىندا وتكىزىلگەن جاسوسپىرىمدەردىڭ دەنساۋلىعىن زەرتتەۋ ۇلتتىق باعدارلاماسى اياسىندا 3,3 مىڭ جاسوسپىرىم مەن ەرەسەكتى زەرتتەگەن سوڭ جاساعان. جۇمىستىڭ اۆتورلارى زەرتتەۋگە قاتىسقان ادامداردىڭ ۇيقى رەجيمىندەگى وزگەرىستەرىمەن بىرگە سالماعىنىڭ وزگەرۋىن دە باقىلاۋعا العان.
