ەكى ادامعا پىشاق سالعان قىلمىسكەردى 15 جاسار قىز ۇستادى
جەدەل جاردەم مەن پوليتسەيلەر كەلگەنشە 1- قىلمىسكەردى ورنىنان تىپىر ەتكىزبەدى وعان قويان-قولتىق ۇرىستان ۇيرەنگەن ادىستەرى كومەكتەسكەن. وسى ارادا كورشىلەر دە كەلىپ، قان-جوسا بولىپ جاتقان زارداپ شەگۋشىلەرگە كومەكتەستى. وكىنىشكە وراي، جاپا شەككەن ازاماتتىڭ بىرەۋى سول جەردە اجال قۇشتى. ەكىنشىسى شۇعىل اۋرۋحاناعا جەتكىزىلدى.
ەكى كۇن بۇرىن بولعان وقيعانى كورشىلەر جىر قىپ ايتادى. «15 جاسار كاتيا قولىندا پىشاعى جالاڭداعان ەر ادامدى قارۋسىزداندىردى»، - دەيدى ولار. كوپ قاباتتى ءۇيدىڭ اۋلاسىندا ءالى كۇنگە دەيىن قان داقتارى بايقالادى.
وسى ماڭنان ءوتىپ بارا جاتقان ادامدار ءوزارا ەرەگەسىپ قالعان. ونىڭ سوڭى توبەلەسكە ۇلاسىپ، پىشاقتاسۋمەن اياقتالدى.
قازىرگى كەزدە ەكى ادامدى پىشاقتاعان بۇل ازامات ۋاقىتشا ۇستاۋ اباقتىسىنا قامالدى. تەرگەۋ كەلەڭسىز وقيعانىڭ بارلىق ءمان-جايلارىن انىقتايتىن بولادى.
