تۇركىستاندىق ەر ادام 15 پاتەر مەن ءۇيدى توناعان

قالالىق پوليتسيا باسقارماسىنىڭ بارلىق جەكە قۇرامى قىلمىسكەردى ىزدەستىرۋگە تارتىلدى.

«باۋكەسپەدەن تۇركىستاننىڭ 38 جاستاعى تۇرعىنى گۇلجامال جاركەنوۆا زارداپ شەككەن. ءۇي يەلەرى جوق كەزدە پاتەرگە كىرگەن قاسكۇنەمدەر قىمبات تۇرمىستىق جانە كومپيۋتەرلىك تەحنيكانى، التىن اشەكەيلەر مەن اقشا قولدى ەتكەن. جالپى شىعىن 1,5 ميلليون تەڭگەنى قۇراعان»، - دەپ حابارلادى و ق و ءى ءى د باسپا ءسوز قىزمەتىنەن.

ءبىر اي ىشىندە پوليتسەيلەر ولاردى ۇستاپ، ۇرلانعان زاتتاردى يەلەرىنە قايتاردى. الدىمەن 1995 -جىلى تۋىلعان تۇركىستان تۇرعىنى قولعا ءتۇستى، ارتىنشا ۇرىنىڭ سىبايلاسى 1997 -جىلى تۋىلعان جەرگىلىكتى تۇرعىن ۇستالدى.

قازىر قىلمىستىق توپتىڭ ۇشەۋى قاماۋعا الىنىپ، ەكەۋى ىزدەستىرىلۋدە. ازىرگە ولاردىڭ وزگەنىڭ مۇلكىن توناۋى بويىنشا 15 فاكتى انىقتالدى، جالپى سوما 5 ميلليون استام تەڭگەنى قۇرايدى. ق ر ق ك 188-بابىمەن (ۇرلىق) سوت الدى تەرگەۋ جۇرگىزىلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى