قازاقستاندا جەڭىل اۆتوكولىكتەردىڭ سانى 15 پايىزعا كوبەيدى
«2014 - جىلعى قاڭتار- قاراشادا رەسپۋبليكادا 637257 جەڭىل اۆتوموبيل تىركەلگەن نەمەسە وتكەن جىلعى ءتيىستى كەزەڭمەن سالىستىرعاندا 15,0 پايىزعا جوعارى. 2014 - جىلعى 1 - جەلتوقسانداعى جاعداي بويىنشا جەڭىل اۆتوكولىكتىڭ قولدا بارى 3 906,2 مىڭ بىرلىكتى قۇرادى»، - دەلىنگەن كوميتەتتىڭ سايتىندا.
رەسپۋبليكا بويىنشا جەڭىل اۆتوكولىكتەر وڭتۇستىك قازاقستان (82983) وبلىسىندا ەڭ كوپ تىركەلگەن، ونىڭ ىشىندە، دەنى - 80948 اۆتوكولىك جەكە تۇلعالاردىڭ اتىندا. بۇل - 2013 -جىلمەن سالىستىرعاندا، 119,3 پايىزعا كوپ. اۆتوكولىكتەر الماتى (80803) وبلىسى مەن الماتى قالاسىندا دا (78740) كوپ تىركەلگەن. الماتى وبلىسىندا جەڭىل اۆتوكولىك سانى 117,6 پايىزعا، الماتى قالاسىندا 114 پايىزعا كوبەيىپ وتىر.
ەڭ از كورسەتكىشتەر - سولتۇستىك قازاقستان (17220)، باتىس قازاقستان (18982) جانە قىزىلوردا (19693) وبلىستارىندا. سولتۇستىك قازاقستاندا جەكە تۇلعالاردىڭ اتىندا 16064، زاڭدى تۇلعالاردىڭ اتىندا 1156 اۆتوكولىك بار. باتىس قازاقستان وبلىسىندا جەكە تۇلعالاردىڭ اتىنا 17885، زاڭدى تۇلعالاردىڭ اتىنا 1097 اۆتوكولىك ەسەپكە الىنعان. زاڭدى تۇلعالاردىڭ اتىنداعى جەڭىل اۆتوكولىكتەردىڭ سانى جونىنەن باتىس قازاقستان وبلىسى ەڭ تومەنگى ورىندا.
ەسكە سالا كەتەيىك، بۇعان دەيىن ساراپشىلار 2015 - جىلى ەلىمىزدە كولىك ساتىپ الۋ ازايادى دەپ بولجاعان ەدى. قازاقستاننىڭ تاۋەلسىز اۆتوكولىك وداعى كولىك ساۋداسىنا الەمدىك نارىقتاعى مۇناي باعاسىنىڭ اسەر ەتەتىنىن ايتتى. سونىمەن بىرگە، ساراپشىلار كولىك باعاسىنىڭ وسپەيتىنىن دە بولجادى.
