اشىققان يتتەر تاعى 15 قويدى ءولتىرىپ تىندى - ب ق و

مال يەلەرى قانشا ساقتانىپ، قوراسىن بەكىتسە دە، امالىن تاۋىپ ىشكە ەنگەن قاڭعىباس يتتەر 15 قويدى ولتىرگەن. بۇدان بىرنەشە كۇن بۇرىن، 1 - قاراشا كۇنى تاڭەرتەڭ يتتەر ا. ءداۋىتوۆتىڭ 64 قوي-ەشكىسىن قىرىپ كەتكەن بولاتىن.

تەرەكتى اۋدانى اكىمىنىڭ ورىنباسارى لاۋاز ۋاليەۆتىڭ ايتۋىنشا، مال ورىنى پودستەپنىي اۋىلدىق وكرۋگىنە قاراستى بولعانىمەن، 3- ساياجاي قوعامداستىعىنا ءتيىپ تۇر. ساياجايدا يەسىز قالعان يتتەر اشىعىپ، وسىنداي ارەكەتكە بارۋدا. العاشقى وقيعا ورىن العاننان كەيىن بۇل اۋماقتا 16 ءيتتىڭ كوزى قۇرتىلدى. سونىڭ ىشىندە ۇشەۋىن مال يەلەرى قويعا شاپقان ءيت رەتىندە تانىدى. ونىڭ بىرەۋىنىڭ يەسى بار بولىپ شىقتى. سونىمەن قاتار پودستەپنىي اۋىلىنىڭ وزىندە 26 بۇرالقى ءيت اتىلدى. بۇدان بۇرىن جىل باسىنان بەرى اۋىلدىق وكرۋگتە 82 ءيت جويىلعان بولاتىن.

«قازىرگى كەزدە اتالمىش اۋماقتا تاۋلىك بويى كەزەكشىلىك قويىلدى. اڭشىلاردىڭ كومەگىمەن قاڭعىباس يتتەردىڭ كوزىن جويۋ جۇمىسى بۇدان كەيىن دە جالعاساتىن بولادى»، - دەدى ل. ۋاليەۆ.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى