شىمكەنت زاۋىتى جىلىنا 15 ميلليون مەديتسينالىق تۇتىك شىعارا الادى

مۇنداي زاۋىت پوستكەڭەستىك كەڭىستىكتە جالعىز، - دەيدى كاسىپورىن ديرەكتورى ولەگ سيگال. سول سەبەپتى بۇل ونىمگە دەگەن سۇرانىس جوعارى. زاۋىت يندۋستريالاندىرۋ كارتاسى بويىنشا ۇدەمەلى يندۋستريالدىق-يننوۆاتسيالىق دامۋ باعدارلاماسىنىڭ اياسىندا سالىنعان.

«بىز جىلىنا 15 ميلليون تۇتىك شىعارامىز. زاۋىتتىڭ قۋاتتىلىعى، ەگەر تاپسىرىس بولىپ جاتسا، 100 ميلليونعا تۇتىك وندىرۋگە جەتەدى. قازىر مەملەكەتتىڭ ارقاسىندا ءبىز «فارماتسيا» س ك- مەن بىرلەسىپ جۇمىس ىستەۋدەمىز. ولار 7 جىل كولەمىندە ساپالى ءونىم جەتكىزۋگە بىزبەن كەلىسىم شارتقا قول قويدى»، - دەدى ولەگ سيگال.

ءبىر سوزبەن ايتقاندا، شىمكەنت كاسىپورنىنىڭ ءونىمى شەتەلدىك ونىمدەردەن ەش قالىسپايدى، سەبەبى بارلىق ءوندىرىس اۆستريا مەن كورەيانىڭ زاماناۋي قوندىرعىسىنا نەگىزدەلگەن. ال جۇمىسشىلاردى شەتەلدىك ماماندار ۇيرەتتى.

جوبانىڭ قۇنى 2 ميلليارد 330 ميلليون تەڭگە، ونىڭ 660 ميلليون تەڭگەسىن مەملەكەت ءبولدى. «بيزنەستىڭ جول كارتاسى-2020» مەملەكەتتىك باعدارلاماسى بويىنشا ينفراقۇرىلىمى قۇرىلدى. قازىر كاسىپورىن مەملەكەتتىك اۋرۋحانالار مەن ەلدىڭ ەمحانالارىن مەديتسينالىق ونىمدەرمەن قامتاماسىز ەتىپ وتىر. الداعى ۋاقىتتا زاۋىت ءوز ونىمدەرىن بەلارۋسكە جەتكىزەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى