اسكەري ماقساتتاعى ءونىم شىعارۋ بويىنشا 15 نەگىزگى جوبا ايقىندالدى - س. احمەتوۆ

كەڭەستى اشقان مينيستر قازاقستان ەكونوميكاسىنىڭ تۇراقتى دامۋىنداعى قورعانىس سەكتورىنىڭ ماڭىزىن اتاپ ءوتىپ، «مەملەكەت باسشىسى وتاندىق قورعانىس ونەركاسىبى كەشەنىن دامىتۋ ماسەلەلەرىنە، ونى ديۆەرسيفيكاتسيالاۋعا جانە ەكسپورتتىق الەۋەتىن ارتتىرۋعا ەرەكشە كوڭىل ءبولىپ وتىر» ، - دەدى.

س. احمەتوۆ قورعانىس ونەركاسىبى كەشەنىنىڭ كاسىپورىندارىن ءارى قاراي دامىتۋ، ولاردىڭ وندىرىستىك ينفراقۇرىلىمىن جەتىلدىرۋ، تاپسىرىستار جۇكتەۋ، مەملەكەتتىك قورعانىستىق تاپسىرىستى ۋاقتىلى جانە ساپالى ورىنداۋ جونىندەگى شارالارعا نازار اۋداردى.

مينيستر ايتقانداي، اسكەري ماقساتتاعى ءونىم شىعارۋ بويىنشا 15 نەگىزگى پەرسپەكتيۆالىق جوبا ايقىندالدى، ولاردى ىسكە اسىرۋ بويىنشا جول كارتالارى بەكىتىلدى، قورعانىس ونەركاسىبى كەشەنىن مەملەكەتتىك قولداۋ بويىنشا بارلىق قاجەتتى اكىمشىلىك جانە زاڭنامالىق بازا جاسالۋدا.

الدا كۇتىپ تۇرعان 2015 - جىلدان باستاپ ەۋرازيالىق ەكونوميكالىق وداق تۋرالى شارت جاعدايىنداعى جۇمىستارعى قاتىستى س. احمەتوۆ بۇدان ءارى ساۋدا- ەكونوميكالىق جانە كووپەراتسيالىق بايلانىستاردى دامىتۋ، اسكەري- تەحنيكالىق ىنتىماقتاستىق سالاسىنداعى ەكسپورتتىق الەۋەتتى ارتتىرۋ قاجەتتىگىن اتاپ ءوتتى.

جينالىستا مەملەكەتىشىلىك جانە حالىقارالىق زاۋىت ارالىق كووپەراتسيالاردى دامىتۋ، وندىرىلەتىن ءونىم نومەنكلاتۋراسىن كەڭەيتۋ، كادرلار مەن عىلىم الەۋەتىن ارتتىرۋ قاجەتتىگى اتالىپ ءوتتى.

وسى ءىس- شارا ورىنداۋشىلار مەن تاپسىرىس بەرۋشىلەر اراسىنداعى اشىق سۇحبات الاڭى بولدى، اعىمداعى جوبالاردىڭ ىسكە اسىرىلۋ بارىسى تالقىلانىپ، جالپى قورعانىس ونەركاسىبىنىڭ دامۋ پەرسپەكتيۆالارى قارالدى.

 كەڭەيتىلگەن كەڭەس «قازاقستان ينجينيرينگ» اكتسيونەرلىك قوعامى جانە قازاقستان قورعانىس ونەركاسىبى كەشەنى كاسىپورىندارى باسشىلارىنىڭ قاتىسۋىمەن «قازاقستان اسەلسان ينجينيرينگ» زاۋىتىنىڭ اۋماعىندا ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى