وتىز ءتورت جاستاعى ايەل مەكتەپكە 15 جاسار وقۋشى رەتىندە بارىپ جۇرگەن

جەرگىلىكتى ب ا ق-تىڭ حابارلاۋىنشا وتكەن جىلدىڭ قازانىندا دجونسوندى قالالىق مەكتەپتەردىڭ بىرىنە تاميكي لينكولن اتتى جەرگىلىكتى تۇرعىن ەرتىپ كەلگەن.

سول جولى ول ءوزىن مەكتەپ باسشىلىعىنا چەريتي ستيۆەنس دەپ تانىستىرعان ەكەن. ءوزىنىڭ تۋعان جىلى رەتىندە 1997 - جىلدىڭ قاراشاسىن اتاعان.

وقىتۋشىلار الدىندا دجونسون بۇعان دەيىن ۇيدە ءبىلىم العانىن، سوندىقتان بۇعان دەيىنگى ۇلگەرىمىن، باعالارىن كورسەتە المايتىندىعىن جەتكىزگەن. ونىڭ سەنىمدى جاۋاپتارى مەكتەپ اكىمشىلىگىنىڭ كۇدىگىن تۋدىرماعان ەكەن.

دجونسون ۇزاق ۋاقىت بويى لينكولننىڭ ۇيىندە تۇراقتاعان. بۇل ايەلگە چ. دجونسون ءوزىنىڭ جەتىم ەكەنىن ايتىپ، سەندىرگەن. «مەن ونى اياپ، باسپانا بەردىم. وعان قوسا، كيىمدەرىن الىپ بەرىپ تۇردىم جانە اتا-انالار جينالاسىنا دا قاتىستىم»، - دەيدى لينكولن.

كەيىننەن بۇل ايەل دجونسوننىڭ 15 جاستا ەكەنىنە كۇدىكتەنىپ، پوليتسيا شاقىرعان. قۇقىق قورعاۋ ورگاندارى ونى جالعان اقپارات بەرگەنى ءۇشىن قاماۋعا الدى. ازىرگە، وعان قاتىستى تالاپ ەتىلەتىن جازا جايىندا حابارلانباي وتىر.

34 جاسار ايەلدىڭ بۇنداي قادامعا نەلىكتەن بارعاندىعى بەلگىسىز. «ول ءوزىن شىنىمەن دە 15-16 جاستاعى قىز سەكىلدى ۇستاندى. ساباقتى تىڭعىلىقتى تىڭداپ، ءۇي تاپسىرمالارىن ورىنداپ ءجۇردى»، - دەيدى وقىتۋشىلاردىڭ ءبىرى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى