وزبەكستاندا پارا الساڭ، 15 جىل «دەمالىستا» بولاسىڭ

بۇل تۋرالى وزبەك تەلەگراف اگەنتتىگى حابارلادى.

وزبەكستان پرەزيدەنتى كەشە قىلمىستىق كودەكسكە تۇزەتۋلەرگە قول قويدى.

اتاپ ايتقاندا، 211-باپقا (پارا بەرۋ) جانە 212-باپقا (پارا بەرۋدە ورتادا ءجۇرۋ) وزگەرتۋلەر ەنگىزىلدى.

وزگەرتۋلەرگە ساي پارا بەرگەنى ءۇشىن ەڭ جەڭىل جازا - 50 دەن 100 ەڭ تومەنگى جالاقى مولشەرىندەگى (ە ت ج م) ايىپپۇل نەمەسە 5 جىلعا باس بوستاندىعىنان ايىرۋ.

بۇرىن ول ءۇشىن 50 ە ت ج م نەمەسە 3 جىل تۇزەتۋ جۇمىستارى نەمەسە 6 ايعا قاماۋ نەمەسە 3 جىلعا دەيىن باس بوستاندىعىنان ايىرۋ بولاتىن.

ۇيىمداسقان قىلمىستىق توپ مۇددەسىندە، نەمەسە جاۋاپتى لاۋازىم تۇلعاسىمەن اسا ءىرى مولشەردە پارا بەرۋ 10 نان 15 جىلعا دەيىن باس بوستاندىعىنان ايىرۋ جازاسى قولدانىلادى (بۇرىندارى جازا 5 تەن 10  جىلعا دەيىن بولاتىن) .

پارا بەرۋدە ورتادا جۇرگەن دەلدال 50 دەن 100 ە ت ج م مولشەرىندەگى ايىپپۇلمەن نەمەسە 5 جىلعا باس بوستاندىعىنان ايىرۋمەن جازالانادى. بۇرىن بۇل قىلمىس ءۇشىن 50 ە ت ج م مەن 3-جىلعا دەيىنگى تۇزەتۋ جۇمىستارى، نەمەسە 6 ايعا قاماۋعا الۋ، نەمەسە 3 جىلعا باس بوستاندىعىنان ايىرۋ جازاسى قولدانىلاتىن.

ۇيىمداسقان قىلمىستىق توپ مۇددەسى ءۇشىن نەمەسە جاۋاپتى لاۋازىم تۇلعالارمەن پارا الۋدا سىياقى ءۇشىن دەلدالدىق جاساعانى ءۇشىن 10 نان 15 جىلعا دەيىن باس بوستاندىعىنان ايىرۋ جازاسى قولدانىلادى (بۇرىن - 5 تەن 8 جىلعا دەيىن بولاتىن) .

دۋاناباي جولداسبەك

«ايقىن»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى