ش ق و-دا سوت ءوز بالاسىن شىنجىرعا بايلاپ قويعان اكەگە نەبارى 158 مىڭ تەڭگە ايىپپۇل سالدى
وكىنىشكە قاراي، فەميدا وعان راقىمشىلىق تانىتتى.
كوپشىلىك اراسىندا شۋ شىعارعان بۇل وقيعا وتكەن جىلى چەرەمشانكا اۋىلىندا ورىن العان. تەرگەۋ بارىسىندا انىقتالعانداي، 12 جاسار يگناتتىڭ اناسى سۋساقتان(قانت ديابەتىنەن - رەد.) كوز جۇمعان.
ۋاقىت وتكەن سوڭ، اكەسى ۇيىنە باسقا ايەل اكەلگەن، ءبىراق بالا مەن ايەلدىڭ قارىم-قاتىناسى جاقسى بولمادى، دەپ جازادى «ەكسپرەسس ك» گازەتىنىڭ بۇگىنگى سانىنداعى «پريۆيازالسيا ك سىنۋ. سەپيۋ» (ت. ريازاپوۆا) ماتەريالىندا.
«يگناتتىڭ بويىندا پسيحيكالىق بۇزۋشىلىقتار بولدى، ءبىراق ول ءوزىن قالىپتى ۇستاعان. وتباسىنا باسقا ايەل كىرگەن سوڭ، بالا ۇيىنەن ءجيى قاشىپ كەتەتىن بولدى. اكەسى بالاسىنا وگەي اناسىنىڭ وعان جاماندىق ويلامايتىنىنا سەندىرگىسى كەلگەن، ءبىراق بۇل ماسەلەدە ءوزارا تۇسىنىستىككە جەتە المادى. سول كەزدە اكەسى وزىمەن تۇراتىن ايەلدى ۇيىنەن شىعارۋدى ۋادە ەتكەن، ءبىراق يگنات بۇل ءساتتى كۇتپەي، تاعى قاشىپ كەتتى. بۇل وقيعا قايتالانباس ءۇشىن اكەسى بالاسىن شىنجىرعا وتىرعىزىپ، ءوزى جۇمىستارىمەن كەتىپ قالدى»، - دەپ باياندايدى گلۋبوكوۆ اۋداندىق سوتىندا.
پوليتسيا ەر ادامعا بالاعا قاتىگەزدىكپەن قاراۋ ايىپتارىن تاققان سوڭ، ول بالالاردى قامقورلىققا الۋ ورگاندارىنا بارىپ، ۇلىنان باس تارتقان. «وعان بالام ءۇشىن قورىققاندىعىمنان جاسادىم. ۇلىما دۇرىس قاراي الماي، سونىڭ سالدارىنان ول زارداپ شەگە مە دەپ قورقىپ وتىرمىن»، - دەپ ءتۇسىندىردى اكەسى ءوزىنىڭ شەشىمىن.
ءىستىڭ سوتتا قارالۋى كەزىندە يگنات بالالار ۇيىندەگى ومىرگە ۇيرەنىپ الدى. ال سۋديا بولسا اكەسىنە «كامەلەتتىك جاسقا جەتپەگەندى تاربيەلەۋ بويىنشا مىندەتتەردى دۇرىس اتقارماي، وعان قاتىگەزدىك تانىتقانى» ءۇشىن 158 مىڭ تەڭگە كولەمىندە ايىپپۇل سالدى.
