الماتى وبلىسى ارىستاعى 157 ءۇيدى جوندەپ جاتىر

«شاھاردى قالپىنا كەلتىرۋ بويىنشا ەلىمىزدىڭ ءار وبلىسى جانە رەسپۋبليكالىق ماڭىزى بار قالالارعا ارنايى ۋچاسكەلەر بەرىلدى. بىزگە 15№ ۋچاسكە بەرىلدى. بۇل اۋداندا 29 كوشەدە 9 الەۋمەتتىك، 14 كوممەرتسيالىق نىسان مەن 854 جەكەمەنشىك تۇرعىن ءۇي ورنالاسقان. ونىڭ ىشىندە 157 جەكەمەنشىك ءۇي وبلىس تاراپىنان قالپىنا كەلتىرىلەتىن بولادى. بۇگىنگى كۇنى جۇمىستىڭ جوسپارى جاسالىپ، اۋقىمى انىقتالۋدا»، - دەدى اماندىق باتالوۆ.

بۇل ءىستى جۇزەگە اسىرۋ ءۇشىن ارىس قالاسىندا ارنايى جۇمىس توبى ءجۇر دەگەن وبلىس باسشىسى قۇرىلىس ءبىر ايدىڭ ىشىندە ءبىتۋى ءتيىس ەكەندىگىن العا تارتتى.

«الماتى وبلىسى اكىمنىڭ ورىنباسارى لاززات ماقات ۇلى سول جەرگە 3-4 قۇرىلىس كومپانياسىن الىپ، ماماندارمەن باردى. سول جەردە ارنايى شتاب قۇردى. قازىر ءار ءۇيدى، ءار نىساندارعا تەحنيكالىق تەكسەرۋ جۇرگىزىپ جاتىر. قاي جەردە شاتىر كەتكەن، قاي جەردە تەرەزە ءتۇسىپ قالعان، قاي جەردە قابىرعالارى قۇلاعان. سولاردىڭ بارلىعىن رەتكە كەلتىرۋ ماقساتىندا جۇمىسقا كىرىسىپ كەتتى»، - دەدى ا. باتالوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى