قازاقستاندا ىشىمدىككە جانە ەسىرتكىگە تاۋەلدى 156 بالا ەسەپتە تۇر
«ەسىرتكىمەن كۇرەس وتە ماڭىزدى، سەبەبى ماسەلە وسكەلەڭ ۇرپاققا قاتىستى بولىپ وتىر. بۇگىندە ەلىمىزدە 156 بالا ەسەپتە تۇر. ونىڭ ىشىندە 82 بالا ىشىمدىككە جانە 72 بالا ەسكىرتكىگە تاۋەلدى. بىزدەگى مالىمەتكە سايكەس، سينتەتيكالىق ەسكىرتكىگە قۇمارلىق اسىرەسە 20-34 جاستاعى ازاماتتار اراسىندا ءجيى كەزدەسەدى. اتالعان پروبلەمانىڭ الدىن الۋ جانە كۇرەسۋ ماقساتىندا ءبىزدىڭ مينيسترلىك ەكى باعىتتا جۇمىس ىستەپ جاتىر. الدىمەن ەسىرتكىگە تاۋەلدى جانداردى ەمدەۋ، ەكىنشىدەن ءتۇسىندىرۋ جۇمىسىن كەڭىنەن جۇرگىزىپ، سالاۋاتتى ءومىر سالتىن ناسيحاتتاۋ»، - دەدى ۆياچەسلاۆ دۋدنيك ورتالىق كوممۋنيكاتسيالار قىزمەتىندە وتكەن بريفينگتە.
ۆيتسە-ءمينيستردىڭ ايتۋىنشا، سينتەتيكالىق ەسىرتكىگە تاۋەلدىلىكتەن ارىلۋ وتە قيىن.
«وسى ورايدا پروبلەمانىڭ الدىن الۋ، ياعني ەسىرتكى تاراتۋدىڭ جولىن كەسۋ بويىنشا پروفيلاكتيكالىق شارالاردى وتكىزۋ ماڭىزدى. مەملەكەت باسشىسىنىڭ تاپسىرماسىنا سايكەس، ءبىزدىڭ مينيسترلىك ىشكى ىستەر مينيسترلىگى جانە باسقا دا قۇزىرلى ورگاندارمەن بىرلەسىپ، ەسىرتكىگە قارسى كۇرەسكە ارنالعان كەشەندى جوسپار ازىرلەدى. وعان سايكەس دسم 11 ءىس-شارا ۇيىمداستىرۋعا جاۋاپتى»، - دەيدى ول.
