ارال تەڭىزىنىڭ 156 مىڭ گەكتار قۇرعاعان ۇلتانىنا سەكسەۋىل ەگىلدى
بۇل تۋرالى بۇگىن وڭىرلىك كوممۋنيكاتسيالار قىزمەتىندە وتكەن باسپا ءسوز- كونفەرەنسياسىندا قىزىلوردا وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى باۋىرجان شامەنوۆ مالىمدەدى، دەپ حابارلايدى قازاقپارات.
ايماقتا جىلىنا 8-8,5 مىڭ تونناعا دەيىن بالىق اۋلانىپ، ونىڭ كوپ بولىگى بالىق وڭدەۋ زاۋىتتارىندا وڭدەلۋدە. بۇل بالىق وڭدەۋ سالاسىنىڭ قارقىندى دامىپ، بالىق ونىمدەرى ەكسپورتىنىڭ كولەمىن ارتتىرۋعا مۇمكىندىك بەردى. 2017 -جىلدىڭ 1-توقسانىندا ەكسپورتقا شىعارىلعان بالىق ونىمدەرىنىڭ 65 پايىزى رەسەي فەدەراتسياسىنا، 35 پايىزى (پولشا -129,3 توننا، دانيا-31,74 توننا، ءازىربايجان - 20,0 توننا الىس شەتەلدەرگە جونەلتىلدى.
باۋىرجان شامەنوۆتىڭ ايتۋىنشا، 2017 -جىلى 4 كانالدى (قازالى اۋدانى، قازالى قالاسىنداعى «گورسوۆەت»، «داۋلەت- ارىق»، جالاعاش اۋدانى بۇحارباي باتىر اۋىلدىق وكرۋگىندەگى «الپامىس»، شيەلى اۋدانى شيەلى كەنتىندەگى «بايسارى» كانالىندارى) تازالاۋ، وزدىگىنەن اياق سۋ بارمايتىن ەلدى مەكەندەرگە 8 دانا ناسوس قوندىرعىلارىن الىپ بەرۋ، ارال اۋدانىنداعى «بايان» جانە «كوكىش» كانالدارىن جوندەۋ جۇمىستارىنىڭ جوبالىق- سمەتالىق قۇجاتتارىن ازىرلەۋ جۇمىستارى جۇرگىزىلەتىن بولادى.
ايتا كەتەيىك، وبلىس اۋماعىندا مەملەكەتتىك ورمان قورىنىڭ جالپى كولەمى 6,5 ميلليون گەكتار، سونىڭ 3 ميلليون گەكتارى ورماندى القاپتار. ورمان قۇراۋشى نەگىزگى اعاش - سەكسەۋىل. 2017 -جىلى ورمان قورى جەرلەرىندە 438 ك م جاڭادان ءورت جولاقتارى، 3193 ك م ەسكى ءورت جولاقتارى جۇرگىزىلەدى. ورمان شارۋاشىلىعى مەكەمەلەرىنىڭ ماتەريالدىق تەحنيكالىق بازاسى 75 پايىزعا نىعايتىلعان. ورمان القابىن مولايتۋ ماقساتىندا جىل سايىن 10707 گ ا سەكسەۋىل، سايالى اعاش كوشەتتەرى ەگىلۋدە، سونىڭ 5 مىڭ گ ا ارال تەڭىزىنىڭ قۇرعاعان ۇلتانىنا وتىرعىزىلدى. سوڭعى 25 جىلدا ارال تەڭىزىنىڭ قۇرعاعان ۇلتانىنا 156 مىڭ گ ا سەكسەۋىل ەگىلدى. بيىل وڭتۇستىك كورەيا رەسپۋبليكاسى تەڭىزدىڭ ۇلتانىنىڭ 30 مىڭ گ ا جەرىنە فيتوورمان مەليوراتسيالىق جۇمىستارىن جۇرگىزۋگە 1,5 ميلليون ا ق ش دوللار كولەمىندە قارجى ءبولۋدى جوسپارلاپ وتىر.
اۆتور: ەلۋباي اۋەزوۆ
