استاناداعى جاڭا مۋزەيدە جەر شارىن 156 رەت اينالعان اسكەري اۋە كۇشتەرىنىڭ تۋى بار - فوتو
مۋزەي ديرەكتورى اسقار قاسىموۆتىڭ ايتۋىنشا، مۋزەيدىڭ بىرنەشە زالى بار. اتاپ ايتساق، ق ر قارۋلى كۇشتەرىنىڭ بىرنەشە زالى، 20 - عاسىردىڭ اسكەري تاريحىنا ارنالعان زال، قارۋ- جاراق پەن اسكەري تاقىرىپقا ارنالعان كارتينكالاردىڭ زالى.
مىسالى، ق ر قارۋلى كۇشتەرىنىڭ زالىندا قازاق اسكەرىنىڭ ەكسپوناتتارى، قازاق عارىشكەرلەرىنىڭ جەكە زاتتارى، سونداي- اق، جەر شارىن 156 رەت اينالعان ق ر اسكەري- اۋە كۇشتەرىنىڭ تۋى بار. جۋىردا عارىشقا ۇشقان پولكوۆنيك ايدىن ايىمبەتوۆ تە وسى تۋدى وربيتاعا الا كەتكەن. سەبەبى، تاۋەلسىز قازاقستاننىڭ تۇڭعىش عارىشكەرى ايدىن ايىمبەتوۆ تە قازاقستاننىڭ اسكەري اۋە كۇشتەرىنىڭ قاتارىنان شىققان.
«جالپى، التى مىڭنان اسا ەكسپونات بار. مۇنداعى تاريحي ارتەفاكتاردىڭ بارلىعى قۇندى. مەن اسىرەسە «كونە تاريحي» زالدىڭ ەرەكشەلەگىن باسا ايتار ەدىم. مىسالى، التىن وردا كەزەڭىندەگى، تاس ءداۋىرى مەن قولا داۋىردەگى ەكسپوناتتار وسى زالدا تۇر»، - دەيدى جۋرناليستەرگە مۋزەيدى ارالاتقان اسقار قاسىموۆ.
اسقار قاسىموۆتىڭ ايتۋىنشا، بۇل مۋزەي ۇرپاق تاربيەسىنە زور ىقپالىن تيگىزەدى. مۋزەيگە كىرۋ باعاسى - 1000 تەڭگە شاماسىندا. مۋزەي ديرەكتورىنىڭ ايۋىنشا، مۋزەي ۇجىمى بيۋدجەتكە سالماق تۇسىرمەس ءۇشىن، كىرۋ اقىلى بولىپ بەكىتىلگەن.
