حاكەرلەر نۇربانكتىڭ شوتىنان 155 ميلليون تەڭگەنى جىمقىرعان

سوت ماتەريالىنا قاراساق، 2015-جىلدىڭ ءساۋىر ايىندا سوتتالۋشىلار ا. ميتين جانە ر. حۋساينوۆ Team Viewer باعدارلاماسى ارقىلى «نۇربانك» ا ق- نىڭ بانكتىك شوتىنىڭ قۇپيا ءسوزىن زاڭسىز بۇزعانى انىقتالعان.

جەتىسۋ اۋدانىنىڭ 2№ اۋداندىق سوتىنىڭ باسپا ءسوز قىزمەتىنىڭ حابارلاۋىنشا، ولار شىندىققا ساي كەلمەيتىن تولەمدەر ارقىلى 155 ميلليون تەڭگەنى الدىن الا قۇرىلعان «كازاحستانسكو-پرويزۆودستۆەننو-كوممەرچەسكايا كومپانيا» ج ش س- نىڭ «ەۆرازيسكي بانك» ا ق- ىنداعى بانكتىك شوتىنا اۋدارعان.

سوت ۇكىمىمەن ا. ميتين جانە ر. حۋساينوۆ قازاقستان رەسپۋبليكاسىنىڭ ق ك- ءنىڭ 188- بابى 4- بولىگىنىڭ 3- تارماعىندا كوزدەلگەن قىلمىستى جاساۋدا كىنالى دەپ تانىلىپ، وسى باپ بويىنشا ا. ميتينگە مۇلكىن تاركىلەۋ ارقىلى 6 جىل 8 اي مەرزىمگە باس بوستاندىعىنان ايىرۋ جازاسى، ر. حۋساينوۆكە مۇلكىن تاركىلەۋ ارقىلى 6 جىل 8 اي مەرزىمگە باس بوستاندىعىنان ايىرۋ جازاسى تاعايىندالىپ، جازانا تۇزەۋ مەكەمەسىنىڭ جالپى رەجيمىندە وتەۋ بەلگىلەندى.

باستى سوت تالقىلاۋىندا سوتتالۋشىلار ا. ميتين جانە ر. حۋساينوۆ تاعىلعان ايىپ بويىنشا كىنالارىن مويىنداعان جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى