پەتروپاۆلداعى اسكەري ينستيتۋتتى 155 تۇلەك ءبىتىرىپ شىقتى - فوتو

«ۇلتتىق ۇلاننىڭ كەزەكتى 16- جانە 4- تۇلەكتەرى جوعارى اسكەري وقۋ ورنىن ءتامامداعانى تۋرالى ديپلوم الدى. 155 قازاقستاندىق تۇلەكپەن بىرگە قىرعىز رەسپۋبليكاسىنىڭ 9 وكىلى جانە تاجىكستاننان كەلگەن 6 ازامات تا ديپلومعا يە بولدى»، - دەپ حابارلادى ينستيتۋتتىڭ باسپا ءسوز قىزمەتىنەن.

بيىلعى جىلى اسكەري ينستيتۋت شەت مەملەكەتتەردى قوسقاندا، ق ر بولىمدەرىنە 170 وفيتسەر جىبەرگەن. 155 قازاقستاندىقتىڭ ىشىندە 14 تۇلەك ق ر ۇلتتىق قاۋىپسىزدىك كوميتەتىنىڭ شەكارا قىزمەتىندە قىزمەتتەرىن جالعاستىراتىن بولادى.

7 كۋرسانت ينستيتۋتتى ۇزدىك ءبىتىردى. 3 تۇلەك: ءايىپ مۇراگەر ورال ۇلى، قايىرگەلدين باحتيار قانات ۇلى مەن ناجاروۆ جانتاس قانات ۇلىنا «اسكەري وقۋ ورنىن ۇزدىك بىتىرگەنى ءۇشىن» بەلگىسى تابىستالدى. ەندى ولاردىڭ ەسىمدەرى اسكەري ينستيتۋتتىڭ قۇرمەت تاقتاسىندا ءىلىنىپ تۇراتىن بولادى.

12 جىل ىشىندە اسكەري ينستيتۋت 16 رەت تۇلەك ۇشىرعان. 2900 وفيتسەردىڭ 246 سى ۇزدىك ديپلوم السا، 44 تۇلەك «اسكەري وقۋ ورنىن ۇزدىك بىتىرگەنى ءۇشىن» كەۋدە بەلگىسىمەن ماراپاتتالعان.


           

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى