حالىقارالىق بانكتەر الداعى ءۇش جىلدا شاعىن بيزنەستى قولداۋعا 155 ميلليارد تەڭگە بولەدى - ەلباسى

«الداعى ۋاقىتتا بيزنەستى قولداۋ مەن ىسكەرلىك بەلسەندىلىكتى ارتتىرۋعا قاتىستى جۇمىستار جالعاسادى. بۇگىنگى كۇنى ۇلتتىق قوردان شاعىن جانە ورتا بيزنەستى قارجىلاندىرۋعا بولىنگەن 100 ملرد. تەڭگە تولىعىمەن يگەرىلدى. ءبىز بانكتەر ارقىلى قاراجاتتى جولداپ، جاعدايدى جاقسارتۋعا تىرىسىپ جاتىرمىز. ەندى كاسىپورىنداردىڭ تەڭگەنى يگەرىپ قانا قويماي، جۇمىس ىستەۋىن قاداعالاۋ كەرەك. قۇرىلىستى سالامىز، ول جۇمىس ىستەمەيدى، بۇلاي بولماۋى شارت»، - دەدى ن. نازاربايەۆ.

بۇل رەتتە ەلباسى ەكونوميكا ءوسىمىنىڭ درايۆەرى رەتىندە شاعىن جانە ورتا بيزنەستى دامىتۋ، ولاردىڭ ەكونوميكاداعى ۇلەسىن 2050 - جىلعا قاراي 50 پايىزعا دەيىن ارتتىرۋ باعدارىندا جۇمىس ىستەۋدىڭ قاجەتتىگىن اتاپ ءوتتى.

«سوندىقتان دا شاعىن جانە ورتا بيزنەس ءۇشىن نەسيە جەلىسىن ءتيىمدى پايدالانۋعا ءتيىسپىز. بۇل 2015-2017 - جىلدار ارالىعىندا ازيا دامۋ بانكى، ەۋروپا دامۋ بانكى، دۇنيەجۇزىلىك بانكتىڭ بولەتىن جالپى سوماسى 155 ميلليارد تەڭگە قاراجاتى ەسەبىنەن جۇزەگە اساتىن بولادى»، - دەدى ەلباسى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى