ءۇندىستاندا تابيعي اپاتتان قازا تاپقاندار سانى 150 گە جۋىقتادى

ماۋسىم ايىنىڭ سوڭىندا ءۇندىستاننىڭ سولتۇستىگىندە جاڭبىر ماۋسىمى باستالدى.

8-10- شىلدە ارالىعىندا وڭىردە جەرورتا تەڭىزى ايماعىنان ىلعالدى اۋا ماسساسىنىڭ اعىنىمەن مۋسسوندى جاڭبىردىڭ ۇيلەسۋىنە بايلانىستى ايماققا نوسەر جاۋدى.

جاۋىن- شاشىن دەلي ۇلتتىق ەلوردا وكرۋگىنە، حيماچال- پرادەشكە، ۋتتاراكحاندقا، پەندجابقا، حاريانعا، رادجاستحانعا، دجاممۋ مەن كاشميردىڭ وداقتاس تەرريتورياسىنا جاۋدى.

حيماچال- پرادەش ۇكىمەتىنىڭ مالىمەتى بويىنشا، 24- ماۋسىم مەن 13-شىلدە ارالىعىندا 91 ادام قازا تاپتى. 600 دەن استام عيمارات تولىعىمەن قيراپ، مىڭنان استامى زاقىمدالدى.

شىعىن جۇزدەگەن ميلليون دوللارعا باعالاندى. جولداردىڭ شايىلۋىنا بايلانىستى بىرنەشە جۇزدەگەن تۋريست ەۆاكۋاتسيالانۋعا ءماجبۇر بولدى.

مەتەورولوگتار شتاتتا الداعى كۇندەرى جاڭبىر جاۋادى دەپ بولجاپ وتىر، سونىمەن قاتار كورشى ۋتتاراكحاندتا ايتارلىقتاي جاۋىن- شاشىن جاۋۋى مۇمكىن.

قاتتى جاڭبىردان دەلي ارقىلى وتەتىن يامۋنا وزەنىندەگى سۋ دەڭگەيى رەكوردتىق كورسەتكىشكە - 208,66 مەترگە دەيىن جەتتى.

بيلىك 24 مىڭعا جۋىق ادامدى ەۆاكۋاتسيالادى.

ەسكە سالا كەتەيىك، كەشە ءۇندىستاننىڭ سولتۇستىگىندە مۋسسون جاڭبىرىنان كەيىنگى تاسقىننان 100 دەن اسا ادام كوز جۇمعانىن حابارلاعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى