الماتىداعى تاۋلى ايماق قۇرىلىسىنان 150 دەن استام زاڭ بۇزۋشىلىق انىقتالدى
ۆەدومستۆونىڭ مالىمەتىنشە، الماتى اۋماعىندا تاۋلى جەرلەردە، سۋ قورعاۋ جانە ەرەكشە قورعالاتىن ورىنداردا قۇرىلىس جۇمىستارىنىڭ جۇرگىزىلۋى قالا تۇرعىندارى ءۇشىن وزەكتى ءارى الاڭداتاتىن ماسەلە.
«وسى سۇراق مەملەكەتتىك جانە قۇقىق قورعاۋ ورگاندارىنىڭ ءبىرىنشى باسشىلارىنىڭ قاتىسۋىمەن وتەتىن ۇيلەستىرۋ كەڭەسىنىڭ كۇن تارتىبىندە الماتى قالاسىنىڭ پروكۋرورى بەرىك جۇيرىكتايەۆتىڭ توراعالىعىمەن قارالدى. ۇيلەستىرۋ كەڭەسىنىڭ مۇشەلەرىنە تاۋ بوكتەرىندەگى قۇرىلىستا، سۋ قويماسىنىڭ بويىندا جانە ەرەكشە قورعالاتىن ايماقتاردا 150-دەن استام زاڭ بۇزۋشىلىق بار ەكەنى تۋرالى باياندالدى.
2022 -جىلى تۇرعىنداردى توتەنشە تابيعات اپاتتارىنان قورعاۋ ماقساتىندا، الماتى قالاسىنىڭ باس جوسپارى تۇرعىنداردى ەۆاكۋاتسيالاۋعا مۇمكىندىك بەرەتىن، وزەندەردىڭ سۋ قويمالارىن كوگالداندىرۋ شاراسىن قاراستىردى. 20 جىلدان استام ۋاقىتتان بەرى بۇل تالاپتار ەسكەرىلمەي كەلەدى. پروكۋراتۋرانىڭ نارازىلىعىمەن اۋماعى 200 گ ا «جاسىل ايماقتان» «قورشالعان ۇيلەرگە» اينالعان جوبانىڭ ەگجەي- تەگجەيلى جوسپارىنا بۇرىن ەنگىزىلگەن وزگەرتۋلەر جويىلدى. تاۋ بوكتەرلەرىندەگى جاپپاي قۇرىلىس پەن كوپجىلدىق جاسىل جەلەكتەردى شابۋدىڭ الدى الىندى»، - دەپ جازدى باس پروكۋراتۋرادان.
ونداعى مالىمەتتەرگە قاراعاندا، ناۋرىزباي اۋدانىنىڭ جايلاۋ شاعىن اۋدانىندا اۋماعى 13 گ ا جەكە تۇرعىن ءۇي قۇرىلىسىنا ارنالعان جالعان اكىمدىك اكتىلەرىنىڭ كۇشى جويىلدى، وندا تاۋلاردىڭ باۋرايىندا از قاباتتى تۇرعىن ءۇي كەشەندەرىنىڭ قۇرىلىسى جوسپارلانعان.
«اۆتوكولىك جۋۋ ورىندارىنىڭ زاڭسىز جۇمىس ىستەۋىنىڭ 29 فاكتىسى، سونداي- اق ماقساتىندا پايدالانىلمايتىن 15 ۋچاسكە انىقتالدى. بۇل نىساندار سۋ قورعاۋ بەلدەۋىندە ورنالاسقان. سۋ قورعاۋ اۋماقتارىندا بارلىعى 118 بۇزۋشىلىق بەلگىلى بولدى، سونىڭ ىشىندە باسسەين ينسپەكتسياسىنىڭ كەلىسىمىنسىز 40 نىساننىڭ قۇرىلىسى، سۋ قورعاۋ بەلدەۋلەرىن ءوز بەتتەرىنشە يەمدەنۋ ارقىلى 15 قۇرىلىس جۇرگىزىلگەن.
تەكسەرۋ بارىسىندا قىلمىستىق ءىس قوزعالدى»، - دەلىنگەن حابارلامادا.
سونداي- اق وتىرىستا ىلە- الاتاۋ ۇلتتىق پاركىنە قاراستى جەر ۋچاسكەلەرىن بەرۋ قاراستىرىلدى. بۇل جەردە تۋريستىك ماقساتتارعا ارنالعان ۋچاسكىلەرگە ءىس جۇزىندە كوتتەدجدەر سالىنعان اۋماعى 15 گەكتاردان اسادى. پروكۋرورلاردىڭ ارالاسۋىمەن ساياباق جالداۋ شارتتارىن بۇزۋ تۋرالى 5 تالاپ ارىز بەرىلدى.
«تاعى دا ءبىر ماڭىزدى سۇراق، قالا سۋ ايدىندارىنىڭ بويىنداعى قۇرىلىس. سۋ قورعاۋ بەلدەۋلەرىندە قۇرىلىس جۇمىستارىن جۇرگىزۋگە زاڭمەن تىيىم سالىنعان. مۇنداي ايماقتار تۇرعىنداردى تابيعات اپاتتارىنان قورعاۋ ماقساتىندا پايدالانىلۋى قاجەت. سونىمەن بىرگە ورگاندارمەن قۇرىلىسقا رۇقسات بەرىلگەن ءبىرشاما نىساندار بار، ولاردىڭ ءبىرقاتارى سۋ ينسپەكتسياسىنىڭ كەلىسىمىنسىز جۇزەگە اسقان.
باسقا جاعدايدا سۋ قورعاۋ بەلدەۋلەرى قاساقانا 35 مەتردەن 6 مەترگە تۇسىرىلگەن، بۇل ءوز كەزەگىندە سول اۋماقتاردا جوعارى قاباتتى تۇرعىن ۇيلەر تۇرعىزۋعا مۇمكىندىك بەرەدى. مۇنداي قۇرىلىستار اۋەزوۆ، ناۋرىزباي، جەتىسۋ، الاتاۋ اۋدارىندا بار» ، - دەلىنگەن باس پروكۋراتۋرا حابارلاماسىندا.
ۇيلەستىرۋ كەڭەسىنىڭ قورىتىندىسى بويىنشا وسى اۋماقتاردا قۇرىلىس سالۋدى باقىلاۋ تەتىكتەرىن كۇشەيتۋگە، قۇرىلىسقا رۇقسات بەرۋ قۇجاتتارىن بەرۋدى بولدىرماۋعا جانە ۋاقتىلى دەن قويۋعا باعىتتالعان ءبىرقاتار ناقتى شارالار قابىلداۋ ۇسىنىلدى. سونىمەن قاتار قاداعالاۋ ورگانى جۇرگىزىلگەن تالداۋ ماتەريالدارىن قۇقىقتىق باعا بەرۋ ءۇشىن قۇقىق قورعاۋ ورگاندارىنا جولدايدى.
