پرەزيدەنت ءبىر جىلدا 150 حالىقارالىق شاراعا قاتىسقان

بيىل مەملەكەت باسشىسىنىڭ قاتىسۋىمەن 500 حاتتامالىق، 150 حالىقارالىق فورماتتاعى ءىس شارالار وتكەن. سونداي- اق پرەزيدەنت 10 رەت شەتەلدىك ساپارعا شىعىپ، ونلاين جانە وففلاين فورماتتاعى 17 مەملەكەتارالىق، 3 حالىقارالىق فورۋمعا قاتىسقان.

بۇعان دەيىن جازعانىمىزداي، مەملەكەت باسشىسى 2021 -جىلدىڭ 19 كۇنىن شەتەلدە، 12 كۇنىن وڭىرلەردە وتكىزگەن. پرەزيدەنت بيىلعى ساپارلارىنىڭ كوبى ورتالىق ازياداعى باۋىرلاس ەلدەرگە باعىتتالعانىن ايتۋ كەرەك. تاجىكستان، قىرعىزستان، وزبەكتسان، تۇركىمەنستان، تۇركيا ەلدەرىنە بارعان ساپارلارى سوعان دالەل.

17 - تامىزدا قاسىم- جومارت توقايەۆتىڭ كورەيا رەسپۋبليكاسىنداعى مەملەكەتتىك ساپارى باستالدى. قىركۇيەك ايىندا قازاقستان پرەزيدەنتى ۇجىمدىق قاۋىپسىزدىك كەلىسىمشارت ۇيىمى مەن شانحاي ىنتىماقتاستىق ۇيىمىنا مۇشە مەملەكەتتەر باسشىلارىنىڭ بىرلەسكەن وتىرىسىنا قاتىسىپ، پاكىستان، يران يسلام رەسپۋبليكالارىنىڭ باسشىلارىمەن كەلىسسوزدەر جۇرگىزدى.

ال قاراشا ايىنىڭ اياعىندا پرەزيدەنت ەۋروپانىڭ بىرنەشە ەلىنە رەسمي ساپارمەن بارىپ، بەلگيا كورولدىگى مەن شۆەيساريا كونفەدەراتسياسىنىڭ لاۋازىمدى تۇلعالارىمەن كەزدەسكەن بولاتىن. سونداي- اق، ول دۇنيەجۇزىلىك دەنساۋلىق ساقتاۋ ۇيىمى دۇنيەجۇزىلىك دەنساۋلىق ساقتاۋ اسسامبلەياسىنىڭ ارناۋلى سەسسياسىنا قاتىستى.

ال 28 -جەلتوقساندا ول تاۋەلسىز مەملەكەتتەر دوستاستىعىنا مۇشە مەملەكەتتەر باسشىلارىنىڭ ءداستۇرلى بەيرەسمي كەزدەسۋىنە قاتىسۋ ءۇشىن رەسەي فەدەراتسياسىنىڭ سانكت- پەتەربۋرگ قالاسىنا باردى.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى