وڭتۇستىكتە ماقتانىڭ تونناسى 150 مىڭ تەڭگەدەن قابىلدانىپ جاتىر

وڭىردە بۇگىنگى تاڭدا 25,8 مىڭ توننا ءشيتتى ماقتا جينالدى، ول - جالپى قوردىڭ %8. ايماقتا قايتا وڭدەۋمەن اينالىساتىن 16 زاۋىتتىڭ 7 ەۋى ءشيتتى ماقتانىڭ ءبىر تونناسىن 150 مىڭ تەڭگەدەن قابىلداي باستادى.

بۇگىن بۇل تۋرالى تۇركىستان وبلىسى وڭىرلىك كوممۋنيكاتسيالار قىزمەتىندە اۋىل شارۋاشىلىعى باسقارماسىنىڭ باسشىسى نۇربەك بادىراقوۆ مالىمدەدى. ونىڭ ايتۋىنشا، وبلىستا جينالعان ءشيتتى ماقتانى العاشقى وڭدەۋدەن وتكىزەتىن 16 كاسىپورىندا 184 قابىلداۋ بەكەتى جۇمىس ىستەۋدە.

«شارۋالاردى قولداۋعا وراي، ونىمدەرگە سۋبسيديا تولەنەتىن بولدى. بۇل باعىتقا 1,9 ميلليارد تەڭگە قارجى قارالعان. ماسەلەن، ماقتا ونىمىنە سۋبسيديا الۋ ءۇشىن ماقتا وڭدەۋ زاۋىتىنا قايتا وڭدەۋگە تاپسىرىلعان ءشيتتى ماقتانىڭ 1 تونناسىنا 12 مىڭ تەڭگە تولەنسە، قايتا وڭدەۋگە تاپسىرىلعان نەمەسە سايكەستىك سەرتيفيكاتى بار وڭدەۋگە وتكىزىلگەن كۇرىشتىڭ 1 تونناسىنا 4 مىڭ تەڭگە سۋبسيديا بەرىلەدى»، - دەدى نۇربەك باقتىباي ۇلى.

ايتا كەتەرلىگى، شارۋالار سۋبسيديا الۋ ءۇشىن قايتا وڭدەۋ كاسىپورنىمەن جاسالعان اۋىل شارۋاشىلىعى ءونىمىن تاپسىرۋ تۋرالى شارتتار، سونداي-اق قايتا وڭدەۋ كاسىپورنى مەن اۋىل شارۋاشىلىعى تاۋار ءوندىرۋشى نەمەسە اۋىل شارۋاشىلىعى كووپەراتيۆى اراسىندا قۇجات جانە قايتا وڭدەۋ كاسىپورنى شەككەن شىعىندى راستايتىن تولەم قۇجاتتارىن ۇسىنۋى ءتيىس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى