ديماشتىڭ ەلورداداعى كونسەرتى ءۇشىن 150 ساحنالىق كيىم تىگىلدى

كونسەرتتىڭ دايىندىعىنا 500 دەن استام جوعارى كاسىبي مامان تارتىلدى. كەشكە 1200 مەتر ماتادان 150 ساحنالىق كوستيۋم تىگىلدى، دەپ حابارلايدى قازاقپارات «قازاقستان» ر ت ر ك» ا ق باسپا ءسوز قىزمەتىنە سىلتەمە جاساپ.

جوعارى دەڭگەيدەگى قويىلىمدىق نومىرلەر ءۇشىن بالەت ترۋپپاسىنا حالىقارالىق الاڭداردا ونەر كورسەتىپ جۇرگەن ەلىمىزدىڭ ەڭ ۇزدىك بيشىلەرى مەن اكروباتتارى تارتىلدى. ونىڭ ىشىندە، «Notre dame de Paris» ميۋزيكلىنىڭ ارتىستەرى، «تانسى نا تنت» جوباسىنىڭ قاتىسۋشىلارى جانە باتۋتتىق گيمناستيكا بويىنشا سپورت شەبەرلەرى بار.

«كونسەرتكە دايىندىق مەرزىمىندە اۋەدە جالپى قاشىقتىعى 150 مىڭ شاقىرىمدى قۇرايتىن 50 رەيس جاسالدى. «ارناۋ» كونسەرتى ءۇشىن 200 كۆت داۋىس، 600 شارشى مەتر لەد-ەكران، 1000 جارىق قۇرىلعىسى قولدانىلادى»، - دەپ اتاپ ءوتتى «قازاقستان» ر ت ر ك» ا ق كوممەرتسيالىق ديرەكتورى جاننۇر ايداربەكوۆا.

سونداي-اق، 29 -ماۋسىم كۇنى كونسەرت الدىندا، ساعات 19:35-تە «Qazaqstan» ۇلتتىق ارناسى تىكەلەي قوسىلىمعا شىعاتىنىن جەتكىزدى. ال، كونسەرتتىڭ تەلەنۇسقاسى 6 -شىلدەدە كورسەتىلەدى.

ق ر پرەزيدەنتىنىڭ كەڭەسشىسى ەرلان قارين «ارناۋ» كەشى - مۋزىكالىق اسەرگە نەگىزدەلگەن جاندى كورىنىس، ءتىرى دىبىس، ەرەكشە ساحنالىق قويىلىم ەكەنىن اتاپ ءوتتى. كونسەرت سەناريىنە 27 ءان ەنگىزىلگەن، سونداي-اق، جاڭا البومىنا ەنگەن تاڭداۋلى 5 ءانى بار.

شارانىڭ الەمدىك ماڭىزىن ەسكەرە وتىرىپ، جوباعا قازاقستاندىق ءىرى - Air Astana, Forte Bank, Kcell كومپانيالارى قولداۋ ءبىلدىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى