ۇلى دالاعا ۇلەس: ۇلتتىق ويىندار جۇلدەسىنە 150 جىلقى تىگىلەدى
بۇل تۋرالى بۇگىن ەلوردادا ەلىمىزگە ورالعان قانداستار جاڭادان قۇرعان «بولات تۇياق» قوعامدىق قورىنىڭ ۇيىمداستىرۋىمەن ءوتىپ جاتقان باسپا ءسوز وتىرىسىندا بەلگىلى بولدى.
وسىعان دەيىن حابارلاعانىمىزداي، ەلوردا كۇنىندە «بولات تۇياق» قوعامدىق قورى قازاقتىڭ ۇلتتىق ويىندارىنىڭ ءبىرقاتار تۇرلەرىنەن سايىس وتكىزەدى.
اتاپ ايتساق، جارىس اۋەلى ءار اۋىلدىڭ اتقامىنەر ازاماتتارىنىڭ شەرۋىنەن باستالماق. ارى قاراي بەس ءتۇرلى قاشىقتىقتان تۇراتىن ات بايگەسى، نەكەلى ايەلدەردىڭ جاياۋ جارىسى، قارا جەردىڭ قايىعى (تۇيە جارىسى)، كوكپار تارتۋ، قولاڭ شاش قازاق ارۋلارىنىڭ بايقاۋى، الىپ كۇش يەلەرىنىڭ سايىسى، ۇلتتىق قولونەر بايگەسى، ات سىنشىلارىنىڭ جارىسى (ءار وڭىردەن)، قىز قۋۋ، تەڭگە ءىلۋ، ارقان تارتۋ، اسىق اتۋ، توعىز قۇمالاق جانە تاعى باسقا سپورت تۇرلەرىنەن جارىستار ۇيىمداستىرىلادى. ودان بولەك، كيىز ءۇي كورمەسى مەن ۇلتتىق تاعامدار جارمەڭكەسى قوناقتاردى كۇتەدى.
اۆتور: كۇنسۇلتان وتارباي
