ديماش قۇدايبەرگەن اقتوبەنىڭ 150 جىلدىعىندا كونسەرت بەرەدى

سونىمەن قاتار وبلىستاعى 12 اۋدان قالاعا ءوز سىيىن جاسايدى، دەپ حابارلايدى قازاقپارات ءتىلشىسى.

اقتوبە قالاسىنىڭ 150 جىلدىعىنا ارنالعان جوسپار وبلىس اكىمدىگىندە بەكىتىلدى. جوسپار بويىنشا قالانىڭ 150 جىلدىعى مامىر ايىندا وتەدى. وبلىس اكىمى باسپا ءسوز قىزمەتىنىڭ حابارلاۋىنشا، مەرەكەلەۋ اياسىندا ءانشى ديماش قۇدايبەرگەن كونسەرت بەرەدى.

«قالا تۇرعىندارى مەن قوناقتارىنا مەرەيتويدى ەسكە سالاتىن الەۋمەتتىك، وندىرىستىك نىسانداردى قولدانىسقا بەرۋ كەرەك. بۇل شارادان بىردە ءبىر اقتوبەلىك تىس قالمايدى. ءار ادام ءوز ۇلەسىن قوسۋى ءتيىس»، - دەدى وبلىس اكىمى بەردىبەك ساپاربايەۆ.

ايتا كەتەيىك، قازىرگى كەزدە 20 عا جۋىق ءوندىرىس ورنىن، 6 جىلىجاي مەن كوكونىس قويماسىن، 28 قىزمەت كورسەتۋ نىسانىن قولدانىسقا بەرۋ كوزدەلىپ وتىر. بارلىعى 3 مىڭنان استام جۇمىس ورنى اشىلادى. 3100 شارشى مەتر پاتەر قولدانىسقا بەرىلىپ، بالاباقشالار مەن مەكتەپتەر اشىلادى.

«بوكەنباي باتىر، ەسەت باتىرعا، اقتوبە كەڭەسىنىڭ ءبىرىنشى ءتوراعاسى ۆاسيلي زينچەنكوعا ەسكەرتكىش قويىلادى. قالانىڭ 150 جىلدىعىنا مونۋمەنت ورناتىلىپ، دەرەكتى فيلم تۇسىرىلەدى. قايىرىمدىلىق شارالارىنا باسىمدىق بەرىلەدى. ال 12 اۋدان سىيعا الەۋمەتتىك نىسانداردى تارتۋ ەتىپ، كوگالداندىرۋعا اتسالىسادى»، - دەپ حابارلادى وبلىس اكىمىنىڭ باسپا ءسوز قىزمەتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى