ومبىدا زۋقا باتىر ءسابيت ۇلىنىڭ 150 جىلدىعى اتالىپ وتىلەدى

بۇل تۋرالى ءسىبىر قازاقتارىنىڭ «ءمولدىر» مادەني ورتالىعىنىڭ ديرەكتورى التىناي ءجۇنىسوۆا حابارلادى.

 التىناي ءجۇنىسوۆا: «بيىل قازاقستان تاۋەلسىزدىگىنىڭ 25 جىلدىعى، ومبى قالاسىنىڭ 300 جىلدىعى، سونىمەن بىرگە زۋقا باتىر ءسابيت ۇلىنىڭ 150 جىلدىعى قاتار كەلىپ وتىر. ءبىز وسىعان وراي 29 - مامىردا ەسكە الۋ شارالارىن وتكىزۋگە دايىندالىپ جاتىرمىز. توي كەزىندە ءتۇرلى كونسەرتتىك نومىرلەر قويىلىپ، قازاق كۇرەسى قاتارلى ۇلتتىق سپورت تۇرلەرىنەن جارىس وتەدى. مەرەكەلىك داستارحان جايىلىپ، قازاقتىڭ ۇلتتىق قۇندىلىقتارى دارىپتەلەدى» - دەدى.

ەستەرىڭىزگە سالا كەتەيىك، ومبى قالاسى مەن ونىڭ ماڭىنداعى اۋدانداردا جالپى 120 مىڭنان استام قازاق تۇرادى. ولار ومبىنى اتا- بابالارىنان كەلە جاتقان تاريحي اتا مەكەندەرى سانايدى. كەزىندە قازاقتىڭ مارقاسقا ۇلدارى اباي قۇنانباي ۇلى، شوحان ءۋاليحانوۆ قاتارلى ارىستار تۇرعان ءارى وقىعان ومبى قازاقستان ءۇشىن دە بوتەن ەمەس.

بەيسەن  احمەت ۇلى

baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى