شىمكەنتتەگى جۇمىس ورىندارى جارمەڭكەسىندە 150 ستۋدەنت جۇمىس تاپتى

وندا 3000 نان اسا ستۋدەنت ماماندىقتارى بويىنشا جۇمىس ورىندارىمەن تانىستى، دەپ حابارلايدى otyrar.kz.

تاڭعى ساعات 10 دا باستالعان جارمەڭكەگە قالا مەن وبلىس اۋماعىنان كەلگەن 180 كاسىپورىن قاتىسىپ وتىر. بوس جۇمىس ورنىن ۇسىنۋشى مەكەمە وكىلدەرىنىڭ ايتۋىنشا، بۇگىندە قۇرىلىسشى، ەلەكترشى، دانەكەرلەۋشى، قوناق ۇيدە قىزمەت كورسەتۋ سالالارى بويىنشا مامان تاپشى.

بىرنەشە ساعاتقا سوزىلعان جارمەڭكەگە كەز كەلگەن جاس قاتىسا الدى. ال جۇمىس ۇسىنۋشى مەكەمەلەردىڭ قويار تالابى دا ءار ءتۇرلى. باستىسى - جۇمىسقا دەگەن جاۋاپكەرشىلىك. تالاپكەرلەردىڭ بىرنەشە شەت ءتىلىن مەڭگەرگەنى، كومپيۋتەرلىك ءبىلىمى بولسا، ءتىپتى جاقسى.

ءىس-شاراعا قاتىسقان جاستار قۇر قول قايتپادى. بوس جۇمىس ورىندارىن ۇسىنعان 180 كاسىپورىننىڭ 150 ى جاس تالاپكەرلەرمەن جۇمىس ىستەۋگە دايىن. ماسەلەن، ءبىلىم وشاقتارى - 80، № 3 -جىلۋ- ەنەرگيا ورتالىعى - 30، قۇرىلىس كومپانيالارى 12 تۇلەكپەن كەلىسىم- شارت ءتۇزىپ ۇلگەردى. ەندى ستۋدەنتتەر تەك قولدارىنا ديپلومدارىن السا بولعانى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى