پوليتسەيلەرگە قىلمىس اشۋعا كومەكتەسكەن وقۋشى 150 مىڭ تەڭگە سىياقىمەن ماراپاتتالدى
«شىمكەنت قالالىق ءى ءى ب كەزەكشى بولىمىنە قالاداعى ونەركاسىپتەردىڭ بىرىنە تيەسىلى «وپەل- ۆەكترا» ماركالى اۆتوكولىگىنە قاراقشىلىق شابۋىل جاسالعانى تۋرالى حابارلاما كەلىپ تۇسكەن. وقيعا ورنىنا جەتكەن جەدەل تەرگەۋ توبى ساعات 15.00 دەر شاماسىندا قالاداعى كوشەلەردىڭ بىرىندە تاپانشامەن قارۋلانىپ، بەتتەرىنە بەتپەردە كيگەن ەكى بەلگىسىز ازامات «وپەل- ۆەكترا» ماركالى اۆتوكولىگىنىڭ الدىڭعى سول جاق تەرەزەسىنە وق اتىپ، 25 جاستاعى جۇرگىزۋشىسى مەن ونىڭ قاسىنداعى 1979 - جىلى تۋىلعان سول ونەركاسىپتىڭ بۋحالتەرىن قارۋىمەن كۇش كورسەتىپ قورقىتىپ، 7 ميلليون تەڭگە قارجىنى تارتىپ الىپ، بەلگىسىز باعىتقا قاشىپ ىزدەرىن سۋىتقانىن انىقتاعان»، - دەلىنگەن قالالىق ءى ءى ب باسقارماسىنىڭ حابارلاماسىندا.
قىلمىسكەرلەردىڭ ىزىنە تۇسۋگە پوليتسيا قىزمەتكەرلەرىنە جاحانگىر ەسىمدى بالا كومەكتەسكەن. ونىڭ پوليتسيا قىزمەتكەرلەرىنە ءتۇسىندىرۋى بويىنشا سول كۇنى تاڭعى ساعات 10.00 دەن باستاپ كوشەدە ويناپ ءجۇرىپ، ۇيىنە جاقىن جەردە تۇرعان سۇر ءتۇستى «مازدا-626» ماركالى اۆتوكولىگىندە وتىرعان جاسى 30-35 تەر شاماسىنداعى ەكى ازاماتتى بايقاعانىن ايتقان.
سول كۇنى ساعات 14.45 تەر شاماسىندا بالا جوعارىدا اتالعان ازاماتتاردىڭ كوشەدەن اۆتوكولىككە قاراي جۇگىرىپ كەلە جاتقانىن، بىرەۋىنىڭ قولىندا پوليەتيلەندى پاكەت، ال قاسىنداعىسىنىڭ قولىندا تاپانشا بارىن بايقاپ قالعان. وسىدان سوڭ ولار اۆتوكولىككە ءمىنىپ، بەلگىسىز باعىتقا ىزدەرىن سۋىتقان. بالا اتالعان اۆتوكولىكتى جانە كۇدىكتىلەردى سيپاتتاپ بەرگەن.
و ق و ءى ءى د ج ب و-نىڭ بەينەباقىلاۋ كامەراسىن قاراۋ كەزىندە جوعارىدا اتالعان «مازدا-626» اۆتوكولىگىنىڭ قالا كوشەلەرىنىڭ قيىلىسىنان، رەسپۋبليكا داڭعىلىنا جىلجىپ كەلە جاتقانىن ايقىنداعان.
ءتارتىپ ساقشىلارى دەرەكقورداعى مالىمەت ارقىلى 32 جاستاعى اۆتوكولىك يەسىن انىقتاعاندا، سۋرەت بويىنشا وقۋشى كۇدىكتىنى تانىعان. جەدەل ىزدەستىرۋ شاراسى بارىسىندا 1982 - جىلى تۋىلعان جەرگىلىكتى تۇرعىن كۇدىكتى رەتىندە قۇرىقتالىپ، ونىڭ كولىگىن تەكسەرۋ بارىسىندا 1 ميلليون 700 مىڭ تەڭگە كولەمىندەگى ۇرلانعان اقشا تابىلدى.
پوليتسيا قىزمەتكەرلەرىنىڭ انىقتاۋى بويىنشا، ۇستالعان ازامات اتالعان ونەركاسىپ كولىگىنىڭ ءجۇرۋ باعىتىن بىلگەن، ويتكەنى بۇرىن وسى كاسىپورىندا جۇرگىزۋشى بولىپ جۇمىس اتقارىپ، تەرىس قىلىعى ءۇشىن جۇمىستان بوساتىلعان.
قازىرگى تاڭدا پوليتسيا قىزمەتكەرلەرى ونىڭ سىبايلاسى 1982 - جىلى تۋىلعان وبلىس ورتالىعىنىڭ تۇرعىنىن قۇرىقتادى. اتالعان جايتقا بايلانىستى ق ر ق ك-نىڭ 179-بابى «قاراقشىلىق» دايەگى بويىنشا قىلمىستىق ءىس قوزعالدى. ۇستالعاندار قاماۋدا. تەرگەۋ امالدارى جۇرگىزىلۋدە.
