جىل باسىنان بەرى حالىقتىڭ مازاسىن العان 1500 ەلوردا تۇرعىنى جاۋاپقا تارتىلعان

 2015 -جىلدىڭ 1 -قاڭتارىنان باستاپ، جاڭا رەداكسياداعى كودەكس كۇشىنە ەنگەننەن بەرى استانا قالاسىندا وسىنداي 1500 فاكت تىركەلگەن.

بۇل تۋرالى بۇگىن استانا قالاسىنىڭ پروكۋراتۋراسىندا وتكەن جيىن بارىسىندا استانا قالاسى ءى ءى د اكىمشىلىك پوليتسيا باسقارماسى باسشىسىنىڭ ورىنباسارى عوسمان جاكين ءمالىم ەتتى.

«2015 -جىلدىڭ جارتى جىلىندا ەلوردا اۋماعىندا ۇساق بۇزاقىلىققا جول بەرگەن 2260 ازامات جاۋاپقا تارتىلدى. بۇل ءتارتىپ بۇزۋشىلىقتاردىڭ اراسىندا اكىمشىلىك سوت 500 ادامدى اكىمشىلىك قاماۋعا الدى. شامامەن 10 مىڭنان استام ازامات قوعامدىق ورىنداردا ىشىمدىك ىشكەنى ءۇشىن جانە قوعامدىق ورىندارعا ماس كۇيىندە كىرگەنى ءۇشىن، 9 مىڭنان اسا ازامات تىيىم سالىنعان ورىنداردا تەمەكى تارتقانى ءۇشىن، 2 مىڭنان استام ازامات رۇقسات ەتىلمەگەن ورىنداردا ساۋدا جاساعانى ءۇشىن اكىمشىلىك جاۋاپكەرشىلىككە تارتىلعان»، - دەيدى ع. جوكين.

ال، 2015 -جىلدىڭ 1 -قاڭتارىنان باستاپ كۇشىنە ەنگەن جاڭا اكىمشىلىك كودەكستەگى ەرەجە بويىنشا جىل باسىنان بەرى «حالىقتىڭ مازاسىن العان» 1500 ادام اكىمشىلىك جاۋاپكەرشىلىككە تارتىلعان ەكەن.

«قوعامدىق ورىنداردا ازاماتتاردىڭ مازاسىن العان 1500 فاكت تىركەلدى. وزدەرىڭىز بىلەسىزدەر، 2015 -جىلدىڭ 1 -قاڭتارىنان باستاپ جاڭا اكىمشىلىك كودەكس كۇشىنە ەندى. كودەكستىڭ جاڭا رەداكتسياسىنداعى بۇل وزگەرىس قوعامدىق ورىنداردا، سونداي- اق كوشەدە قاراپايىم حالىقتىڭ مازاسىن الاتىن جايتتاردى انىقتاپ، ءتيىستى شارالاردى قولعا الۋعا كوپ پايداسىن تيگىزىپ وتىر»، - دەيدى ع. جوكين.

كەنجەكەي توقتامۇرات

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى