الماتى دۇكەندەرىندە تەكسەرىلگەن 150 شۇجىقتىڭ تەك 14 ى عانا حالال ەكەن
اتا ءداستۇر مۇراگەرى دەپ اتالاتىن قوعامدىق قور وكىلدەرى ەل تۇرعىندارىنا "حالال" دەگەن برەندى بار ونىمدەردەن ساق بولۋ كەرەكتىگىن ەسكەرتىپ وتىر.
اعىمداعى جىلدىڭ باسىنان بەرى قوعامدىق قوردىڭ وكىلدەرى الماتى دۇكەندەرىنەن بىرنەشە شۇجىقتى ساتىپ الىپ، ولارعا ارنايى قۇرال ارقىلى تالداۋ جۇرگىزگەن.
ناتيجەسىندە، تەكسەرىلگەن 150 شۇجىقتىڭ تەك 14 ى عانا راسىمەن دە حالال، ال قالعاندارىندا دوڭىزدىڭ ەتى بار بولىپ شىقتى. ەلىمىزدە حالال-يندۋستريا ەشبىر مەملەكەتتىك ورگاننىڭ قۇزىرىنا كىرمەگەندىكتەن وندىرۋشىلەردى سوت ارقىلى جازالاۋ مۇمكىن بولماي وتىر دەيدى قوعامدىق قوردىڭ زاڭگەرلەرى.
"كەز- كەلگەن ءونىمنىڭ قۇرامىندا دوڭىزدىڭ ەتى بار-جوعىن 15 مينۋتتا انىقتاپ بەرەتىن تەست بار. ءبىز "حالال" دەگەن تاڭباسى بار 4 شۇجىق ساتىپ الىپ، وسى تەست ارقىلى تەكسەردىك. ونىڭ ەكەۋىندە دوڭىز ەتىنىڭ بارى انىقتالدى" دەيدى "اتا ءداستۇر مۇراگەرى" قوعامدىق قورىنىڭ باسشىسى ارمانعازى مۇراتوۆ.
Baq.kz
