كاسىپكەرلەردى قولداۋ ورتالىعى 15 كۇندە 112 ادامعا قىزمەت كورسەتتى

ورتالىقتىڭ قىزمەتىن پايدالانۋشىلاردىڭ ءبىرى - جاس كاسىپكەر ايدانا بولاتبەكوۆا. ول 2013-جىلى جەكە كاسىبىن اشىپ، بۇگىندە ارالاس ساۋدا قىزمەتىمەن اينالىسىپ كەلەدى.

ايدانا «ءبىر تەرەزە» قاعيداسى اياسىندا جۇمىس جاسايتىن ورتالىقتىڭ ارقاسىندا ۋاقىتىن ۇنەمدەپ، جۇمىسىن جەدەل تۇردە بىتىرە العان.

ول: «كاسىبىمدى كەڭەيتكىم كەلەدى. «تۇشپارا سەحىن» اشۋعا نەسيە الۋ ءۇشىن ورتالىققا جۇگىنگەن بولاتىنمىن. ورتالىق قىزمەتكەرلەرى مەملەكەتتىك باعدارلامالار بويىنشا كەڭەس بەردى. سونىمەن قاتار، 1 ميلليون تەڭگەگە بيزنەس-جوسپار دايىنداپ، قاجەتتى قۇجاتتاردى جيناقتادى. قازىرگى تاڭدا بيزنەس-جوسپارىم قارجىلاندىرۋ ءۇشىن  قىزىلوردا قالاسىنداعى وڭىرلىك ينۆەستيتسيالىق ورتالىقتا قارالۋدا. جوسپارىم قولداۋعا يە بولىپ، كاسىبىمدى جانداندىرامىن دەگەن سەنىمدەمىن»، - دەيدى.

ايتا كەتۋ كەرەك، كاسىپكەرلەردى قولداۋ ورتالىعىندا كاسىپكەرلەر پالاتاسىنىڭ، «قازاگرو ماركەتينگ» ا ق- نىڭ، «كاسىپكەرلەردى قارجىلاي قولداۋ قورى» ا ق- نىڭ، «قازاقستاننىڭ حالىق بانكى» ا ق- نىڭ، حالىققا قىزمەت كورسەتۋ ورتالىعىنىڭ ماماندارى مەن كونسۋلتانتتارى ورنالاسقان.

ورتالىق كاسىپكەرلەرگە 20 دان استام قىزمەت تۇرلەرىن ۇسىنۋدا. اتاپ ايتقاندا: كاسىپكەرلەرگە قولداۋ كورسەتۋ شارالارى بويىنشا كەڭەس بەرۋ، مەملەكەتتىك جانە وزگە دە اكتىلەردىڭ تەحنيكالىق شارتتارىن الۋدا، قارجىلاي قاراجاتتاردى الۋدا كومەك كورسەتۋ جانە سۇيەمەلدەۋ. قىزمەتتەردىڭ بارلىعى تەگىن كورسەتىلەدى.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى