ەلوردادا التى جاسار بالا 14-قاباتتان قۇلاپ كەتە جازدادى

«17-شىلدەدە ساعات 18:42-دە استانا قالاسى توتەنشە جاعدايلار دەپارتامەنتىنىڭ بولىمشەسىنە عابدۋللين 11-مەكەنجايى بويىنشا ورنالاسقان ءۇيدىڭ 14-قاباتىنداعى تەرەزەدەن 2017 -جىلى تۋعان بالانىڭ قۇلاعالى تۇرعانى تۋرالى قوڭىراۋ ءتۇستى. قۇتقارۋشىلار كەلگەن ۋاقىتقا دەيىن بالا تەرەزەدەن وزدىگىنەن ءتۇسىپ ۇلگەرگەن. ۇيدە اتا-اناسى بولعان. قۇتقارۋشىلار ولارمەن پروفيلاكتيكالىق اڭگىمە جۇرگىزدى»، - دەپ جاۋاپ بەردى استانا قالالىق توتەنشە جاعدايلار دەپارتامەنتىنىڭ باسپا ءسوز قىزمەتى ءتىلشى ساۋالىنا وراي.

قۇزىرلى ورگان ەلوردا تۇرعىندارىن بالالاردى ەرەسەكتەردىڭ قاراۋىنسىز قالدىرماۋعا شاقىردى.

«بالانىڭ تەرەزەگە شىعۋىنا جول بەرمەۋ ءۇشىن بارلىق جيھازدى الىستاتىڭىز قويىڭىز. سونداي-اق موسكيت تورلارىنا قۇلاۋدان قورعاۋعا ارنالماعان. بالاڭىزعا تەرەزەنى بىرنەشە سانتيمەتردەن ارتىق اشۋعا مۇمكىندىك بەرمەيتىن ارنايى بەكىتكىشتەر قويىڭىز»، - دەپ ءمالىم ەتتى دەپارتامەنتتەن.

اۆتور:

ءاليحان اسقار

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى