استاناعا 14 ميلليارد دوللاردان استام شەتەل ينۆەستيتسياسى تارتىلدى - جەڭىس قاسىمبەك

«قازاق حالقى ءاردايىم ءوزىنىڭ قوناقجايلىعىمەن ەرەكشەلەنگەن. ەلىمىزدىڭ استاناسى، ەلوردامىز - استانا قالاسىنا قوش كەلدىڭىزدەر. استانا قالاسى الەم استانالارى مەن مۋنيتسيپاليتەت باسشىلارىن قابىلداپ وتىر. بۇگىنگى فورۋم ەرەكشە سەبەپپەن وتۋدە - استانا قالاسىنىڭ 25 جىلدىعى. باۋىرلاس قالالار فورۋمى، الەمدىك قالالار قاتارىندا دامىپ كەلە جاتقان ەلوردامىز ءۇشىن اسا ماڭىزدى. الەمنىڭ 13 مەملەكەتىنەن 17 مۋنيتسيپاليتەت باسشىلارىنىڭ وسى فورۋمعا قاتىسۋى - ءبىز ءۇشىن ۇلكەن مارتەبە. ءارقايسىلارىڭىزدىڭ قاتىسۋىڭىزدى ءبىز جوعارى باعالايمىز»، - دەدى جەڭىس قاسىمبەك ەلوردادا ءوتىپ جاتقان استانانىڭ باۋىرلاس قالالار فورۋمىندا.

ەلوردا اكىمىنىڭ ايتۋىنشا، بۇگىنگى فورۋم ءوزارا ىنتىماقتاستىقتى دامىتىپ، دامۋدىڭ جاڭا مودەلىن قالىپتاستىرادى.

«استانا قالاسى - قازاقستاننىڭ ماڭىزدى جوبالارىنىڭ ءبىرى. العاش رەت ⅩⅩ عاسىردىڭ سوڭىندا قالانىپ، عاسىرلار توعىسىنداعى شەكارادان ءوتىپ، ءبىزدىڭ استانامىز الەمدىك تانىمالدىلىققا يە بولدى جانە بۇگىندە دامىعان ەكونوميكاسى مەن ينفراقۇرىلىمى بار زاماناۋي مەگاپوليسكە اينالدى. 25 جىلدا قالانىڭ جالپى ءونىمى 22 ميلليارد دوللارعا، ياعني 10 تريلليون تەڭگەگە دەيىن، ال ونەركاسىپ 4,3 ميلليارد دوللارعا جەتتى، ياعني 2 تريلليون تەڭگەگە دەيىن ارتتى»، - دەدى قالا باسشىسى.

ج. قاسىمبەكتىڭ دەرەگىنشە، سوڭعى جىلدارى استاناعا 14 ميلليارد دوللاردان استام تىكەلەي شەتەلدىك ينۆەستيتسيا تارتىلدى.

ايتا كەتەيىك، اتاۋلى شاراعا مەملەكەت باسشىسى قاتىسىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى