اباي وبلىسىنداعى ءورت سالدارىنان قازا تاپقان 14 ادامنىڭ وتباسىنا پاتەرلەردىڭ كىلتتەرى تابىستالدى
ءار وتباسى 7 ميلليون تەڭگە، سونداي- اق، قوسىمشا ءار بالاعا 2 ميلليون تەڭگە تولەنەدى. كومەككە اسىراۋشىسىنان ايرىلۋ بويىنشا جاردەماقى، ءبىرجولعى الەۋمەتتىك تولەم، سونداي- اق جايلاستىرىلعان تۇرعىن ءۇي بەرۋ كىرەدى. سونىمەن قاتار، قايتىس بولعاندار مەن ولاردىڭ وتباسىلارىنىڭ نەسيە جۇكتەمەسىنە ىقتيمال ەسەپتەن شىعارۋ ءۇشىن تالداۋ جاسالادى.
بۇگىن ءورت سالدارىنان قازا تاپقان 14 ادامنىڭ وتباسىنا، سونداي- اق تراكتورشى س. ن. ارحيپوۆتىڭ وتباسىنا سەمەي قالاسى قاراعايلى شاعىناۋدانىنداعى جاڭا پاتەرلەردىڭ كىلتتەرى تابىستالدى. اباي وبلىسىنىڭ اكىمى قايتىس بولعان سايات نۇرجىگىتوۆ پەن امانگەلدى دۇيسەمبايەۆتىڭ وتباسىلارىنا 2 جانە 3 بولمەلى پاتەرلەردىڭ كىلتتەرىن تاپسىردى.
«ورتتەن زارداپ شەككەندەردىڭ وتباسىلارىن قولداۋ بويىنشا جۇرگىزىلىپ جاتقان جۇمىستار ءبىزدىڭ تۇراقتى باقىلاۋىمىزدا. بۇگىن ءبىز تاپسىراتىن جاڭا پاتەرلەر بارلىق قاجەتتى جيھازدارمەن جانە تۇرمىستىق تەحنيكامەن تولىق جابدىقتالعان. ءبىز قوسىمشا كومەك كورسەتۋدى جالعاستىرامىز»، - دەپ اتاپ ءوتتى ۇرانحايەۆ.
قازا تاپقانداردىڭ تۋىستارى مەملەكەت تاراپىنان كورسەتىلگەن كومەك پەن قولداۋ ءۇشىن ريزاشىلىقتارىن ءبىلدىردى.
