ورتتەن كوز جۇمعان 14 ادامنىڭ وتباسىنا ءبىر ميلليون تەڭگەدەن اۋدارادى
اباي وبلىسىنداعى الاپات ورتتەن كوز جۇمعان 14 ورمانشىنىڭ وتباسىنا «كازتسينك» ج ش س ماتەريالدىق كومەك كورسەتەدى. ءار جانۇياعا 1 ميلليون تەڭگەدەن بەرىلمەك.
«اباي وبلىسىنداعى ءورت ۇلتتىق تراگەدياعا اينالدى. شىعىس قازاقستاننان ءبولىنىپ شىققانعا دەيىن بۇل ءوڭىردىڭ كەنشىلەرى مەن مەتاللۋرگتەرى بىزبەن بىرلەسە جۇمىس ىستەپ، ءتۇرلى جوبالاردى جۇزەگە اسىردى. توتەنشە جاعدايدىڭ زارداپتارىن جويۋعا كومەكتەسۋ - كومپانيامىز ءۇشىن وتە ماڭىزدى مىندەت. قىزمەتتىك بورىشىن وتەۋدە ناعىز ەرلىك كورسەتىپ قازا بولعان ورمان شارۋاشىلىعىنىڭ قىزمەتكەرلەرىن بۇكىل ەل ازا تۇتۋدا. ءبىز ولاردىڭ وتباسىلارىنا جان-جاقتى كومەك كورسەتكىمىز كەلەدى. سول ءۇشىن وسىنداي شەشىمگە كەلدىك. مارقۇمداردىڭ وتباسىلارىنا شىن جۇرەكتەن كوڭىل ايتامىز»، - دەيدى باس ديرەكتورى الەكساندر حمەليەۆ.
ەسكە سالساق، وسىعان دەيىن اباي وبلىسىندا ورتتەن زارداپ شەككەن وتباسىلاردىڭ بالالارىنا ۋنيۆەرسيتەتتەن 10 گرانت بولىنەتىندىگىن حابارلاعان ەدىك.
