قازگيدرومەت 14-قىركۇيەككە ارنالعان اۋا رايى بولجامىن جاريالادى

تۇنگى ۋاقىتتا تۇمان جانە ۇسىك جۇرەدى، دەپ حابارلايدى قازاقپارات.

باتىس، شىعىس وڭىرلەردە ءالى دە سيكلون مەن اتموسفەرالىق فرونتتار ۇستەمدىك ەتەدى. سوندىقتان جاڭبىر جاۋىپ، باتىستا نايزاعاي جارقىلدايدى.

قازاقستاننىڭ باسىم بولىگىندە جەل جىلدامدىعى - 15-20 م/س، وڭتۇستىك- باتىستا، وڭتۇستىك- شىعىستا ەكپىنى - 23-28 م/س جەتەدى، كۇندىز باتىستا، وڭتۇستىكتە شاڭدى داۋىل سوعادى.

قىزىلوردا، تۇركىستان وبلىستارىنىڭ باسىم بولىگىندە، اتىراۋ وبلىسىنىڭ باتىسىندا، باتىس قازاقستان وبلىسىنىڭ وڭتۇستىك- شىعىسىندا توتەنشە ءورت قاۋپى ساقتالادى.

ال جامبىل وبلىسىنىڭ باسىم بولىگىندە، اقتوبە وبلىسىنىڭ وڭتۇستىگىندە، شىعىسىندا توتەنشە ءورت قاۋپى كۇتىلەدى، ۇلىتاۋ وبلىسىنىڭ شىعىسىندا، وڭتۇستىگىندە جوعارى ءورت قاۋپى بار.

تۇندە اقمولا وبلىسىنىڭ سولتۇستىك- باتىسىندا، سولتۇستىك قازاقستان وبلىسىنىڭ وڭتۇستىك- باتىسىندا، پاۆلودار وبلىسىنىڭ شىعىسىندا، قاراعاندى وبلىسىنىڭ سولتۇستىگىندە، شىعىسىندا 2-3 گرادۋس ۇسىك جۇرەدى.

تۇندە قوستاناي، ۇلىتاۋ، اباي وبلىستارىنىڭ سولتۇستىگىندە، شىعىس قازاقستان وبلىسىنىڭ شىعىسىندا توپىراق بەتىندە 1-3 گرادۋس ۇسىك جۇرەدى.

نۇر-سۇلتان قالاسىندا كوشپەلى بۇلتتى، جاۋىن- شاشىنسىز. سولتۇستىك- شىعىس باعىتتاردان سوعاتىن جەل كۇشى - 3-8 م/س. اۋا تەمپەراتۋراسى تۇندە 2+4+ گرادۋس، كۇندىز 15+17+ گرادۋس بولادى.

الماتى قالاسىندا كوشپەلى بۇلتتى، جاۋىن- شاشىنسىز. سولتۇستىك- شىعىستان جەل سوعادى، ەكپىنى - 3-8 م/س. اۋا تەمپەراتۋراسى تۇندە 9+11+ گرادۋس، كۇندىز 22+24+ گرادۋس بولادى.

شىمكەنت قالاسىندا ازداعان بۇلتتى، جاۋىن- شاشىنسىز. جەل شىعىستان سوعادى، كۇشى 8-13 م/س. اۋا تەمپەراتۋراسى تۇندە 11+13+ گرادۋس، كۇندىز 28+30+ گرادۋس بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى