ەلىمىزدە 14-ماۋسىمدا وتەتىن ماڭىزدى شارالار اڭداتپاسى

نۇر-سۇلتان

10.00 دە ۇكىمەتتىڭ كەزەكتى وتىرىسى وتەدى. كۇن تارتىبىندە قازاقستان رەسپۋبليكاسىنىڭ 2022-جىلعى قاڭتار-مامىر ايلارىنداعى الەۋمەتتىك-ەكونوميكالىق دامۋىنىڭ قورىتىندىسى جانە رەسپۋبليكالىق بيۋجەتتىڭ اتقارىلۋى، ەلىمىزدە مەديتسينا جانە فارماتسيەۆتيكا ونەركاسىبىن دامىتۋ ماسەلەلەرى قارالادى.

10.00 دە «ەتالون» ورتالىعىندا ەلەكتر ساموكاتتارىنىڭ تەحنيكالىق تالاپتارى تالقىلانادى. باستى تاقىرىپ - ەلەكتر ساموكاتتارىن پايدالانۋدا قاۋىپسىزدىك دەڭگەيىن ارتتىرۋ، ولارعا قويىلاتىن تالاپتار، ماكسيمالدى جىلدامدىق جانە تاڭبالاۋ.

14.00 دە نۇر-سۇلتان قالاسى فيلارمونياسىنىڭ كونسەرت زالىندا «التىباقان» ويىن-ساۋىق كەشى وتەدى.15.00 دە «نۋرساۋلەت-2» بيزنەس ورتالىعىندا استانا مەديتسينا ۋنيۆەرسيتەتىنىڭ «فارماتسيا» ماماندىعىنىڭ ستۋدەنتتەرى ءۇشىن اشىق ەسىك كۇنى وتەدى.

17.00 دە قاليبەك قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا «بايان سۇلۋ - قوزى كورپەش» قويىلىمىنىڭ ب ا ق وكىلدەرى ءۇشىن پرەمەرا الدىنداعى كورسەتىلىمى وتەدى.

17.30 دا Astana Opera حالىقارالىق وپەرا اكادەمياسى دايىنداعان «دون جۋان» وپەراسىنا ارنالعان باسپا ءسوز ءماسليحاتى جانە قويىلىم پرەمەراسى وتەدى.

الماتى

08.00 دە قالالىق قان ورتالىعىندا دونورلارعا ارنالعان جىل سايىنعى سالتاناتتى شارا وتەدى.

10.00 دە Kazzhol Park قوناق ۇيىندە قازاقستاندىقتاردىڭ تاماقتانۋ ادەتىنە قاتىستى وتكىزىلگەن زەرتتەۋ ناتيجەلەرى جاريالانادى.

ۇيىمداستىرۋشى - «دەنساۋلىق» ۇلتتىق قاۋىمداستىعى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى