قىرعىزستاندىق جىرشى «ماناس» جىرىن 14 ساعات توقتاماي وقىپ، رەكورد ورناتتى

جىرشى دوولوت سىدىقوۆ 14 ساعات، 27 مينۋت بويى «ماناس» ەپوسىن توقتاۋسىز وقىعان. ول ەپوستى 12-قاراشا كۇنى، جەرگىلىكتى ۋاقىتپەن ساعات 09:43 تە وقىپ باستاپ، 13-قاراشا كۇنى تۇنگى ساعات 00:17 دە اياقتادى.

ايتا كەتەيىك، گيننەستىڭ رەكوردتار كىتابىنا كىرۋ ءوتىنىمى 12 ساعاتتىق توقتاۋسىز وقۋعا بەرىلگەن ەدى. قىرعىزدىڭ «ماناس» ەپوسى يۋنەسكو- نىڭ ادامزاتتىڭ ماتەريالدىق ەمەس مۇراسىنىڭ جاۋھارلارى تىزىمىنە ەنگىزىلگەن. بۇل شەشىم يۋنەسكو ۇكىمەتارالىق كوميتەتىنىڭ سەگىزىنشى وتىرىسىنىڭ بارىسىندا قابىلدانعان. ول گيننەستىڭ رەكوردتار كىتابىنا الەمدەگى ەڭ ۇزاق ەپوس رەتىندە كىرىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى