قازگيدرومەت :14- شىلدە كۇنگى اۋا رايى بولجامى

ەلدىڭ تەك باتىسى مەن شىعىسىندا نايزاعاي، جاڭبىر كۇتىلەدى. كەي جەرلەردە ەكپىندى جەل سوعادى. وڭتۇستىكتە جانە باتىستا شاڭدى داۋىل تۇرادى، دەپ حابارلايدى قازاقپارات.

«قازگيدرومەت» ر م ك مالىمەتىنشە، جامبىل، تۇركىستان، قىزىلوردا، ماڭعىستاۋ وبلىستارىنىڭ كەي جەرلەرىندە شاڭدى داۋىل كۇتىلەدى، جەل 15-20 م/س كۇشەيەدى.

اتىراۋ، باتىس قازاقستان وبلىستارىندا جەلدىڭ كۇشى 15-20 م/س ارتادى. اتىراۋ وبلىسىندا شاڭدى داۋىل تۇرادى.

قاراعاندى، شىعىس قازاقستان وبلىستارىندا، كۇندىز اقمولا، پاۆلودار، الماتى، اقتوبە، قوستاناي وبلىستارىنىڭ كەي جەرلەرىندە جەل 15-20 م/س كۇشەيەدى. كۇندىز قىزىلوردا وبلىسىندا، ماڭعىستاۋ، اقمولا، قوستاناي، سولتۇستىك قازاقستان وبلىستارىندا، قاراعاندى وبلىسىنىڭ وڭتۇستىگىندە قاتتى ىستىق كۇتىلەدى.

اتىراۋ، باتىس قازاقستان، اقتوبە وبلىستارىندا - قاتتى، وڭتۇستىكتە وتە قاتتى ىستىق كۇتىلەدى.

اتىراۋ وبلىسىندا، قىزىلوردا، قاراعاندى، تۇركىستان، جامبىل، الماتى وبلىستارىنىڭ كەي جەرلەرىندە، اقتوبە، باتىس قازاقستان وبلىستارىنىڭ وڭتۇستىگىندە جوعارى ءورت قاۋپى ساقتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى