ۇلى بريتانيادا جوندەۋ جۇمىستارى كەزىندە 14-عاسىرداعى ۇڭگىر تابىلدى
ۇلى بريتانياداعى تەمىرجول ينفراقۇرىلىمىنىڭ يەسى جانە وپەراتورى NetworkRail كومپانياسىنىڭ مالىمەتىنشە، جۇمىسشىلار ۇڭگىردى انگليانىڭ سۋررەي گرافىنداعى گيللفورد قالاسى ماڭىنداعى جولدى جوندەپ جاتقان كەزدە تاپقان.
بولجام بويىنشا، ۇڭگىر ورتا عاسىرلاردا اۋليە ەكاتەرينا شىركەۋىمەن بايلانىستى ءدىني ورىن نەمەسە شىركەۋ رەتىندە قولدانىلعان. 14-عاسىردىڭ باسىنداعى شىركەۋدىڭ ۇيىندىلەرى تەمىر جول ماڭىنداعى توبەدە ورنالاسقان.
ساراپشىلاردىڭ ايتۋىنشا، ۇڭگىر الدەقايدا ۇلكەن بولۋى مۇمكىن، ونىڭ شاعىن بولىگى عانا ساقتالعان. تابىلعان سۋرەتتەردە نۇكتەلەرمەن بەزەندىرىلگەن گوتيكالىق تەكشەلەر جانە بۇيىرىندە حريستيان كرەست بەينەسى سالىنعان. ساراپشىلار 7-8 تەكشە، سونداي-اق ەكى توستاعان سىنىعىن تاپتى. ولار ۇڭگىردىڭ ناقتى كەزەڭىن انىقتاۋ ءۇشىن راديوكومىرتەكتى زەرتتەۋ جۇرگىزەدى. ۇڭگىردەن تابىلعان اعاش كومىر مەن قوقىستى دا زەرتتەۋگە قولدانۋى مۇمكىن.
بۇل – ۇلى بريتانيا تەمىر جولدى سالۋ نەمەسە جوندەۋ كەزىندە اشىلعان بىرنەشە جاڭالىقتىڭ ءبىرى. ناۋرىز ايىندا بيرمينگەم كەرزون- ستريت ستانساسىنان ەڭ ەسكى تەمىر جول ايىرىعى تابىلدى. 2014 -جىلى لوندون كوپىرىندە بىرنەشە تاريحي ارتەفاكتى تابىلعان بولاتىن.
