كوروناۆيرۋس جۇقتىرعان قازاقستاندىقپەن ءبىر بورتتا بولعان 14 ازامات قاي وڭىرلەردەن تابىلدى
«ولار ساۋ ازاماتتار. ولار كوروناۆيرۋس جۇقتىرعان اداممەن بايلانىستا بولعاندار. 14 ازاماتىمىز وڭىرلەرگە تاراپ كەتكەن. ولار بارعان جەرىندە انىقتالىپ، ستاتسيونارلارعا وقشاۋلاندى. ولار الماتى، اتىراۋ، ستەپناگورسك جانە قاراعاندى قالالارىندا»، - دەدى ساۋلە قيسىقوۆا و ك ق- دا وتكەن باسپا ءسوز ءماسليحاتىندا.
ايتا كەتسەك، بۇعان دەيىن ميلاننان ماسكەۋ- نۇر-سۇلتان اۋە رەيسى ارقىلى ۇشىپ كەلگەن قازاقستاندىق ايەلدەن كوروناۆيرۋس ينفەكتسياسى انىقتالعان ەدى. ال بورتتا 89 جولاۋشى بولعان. ونىڭ 14 ى قازاقستانعا كەلگەننەن كەيىن وڭىرلەرگە تاراپ كەتكەن. سونداي-اق دەنساۋلىق ساقتاۋ ءمينيسترى 14-ناۋرىزدا ەلوردادا وتكەن باسپا ءسوز ءماسليحاتىندا ەلجان ءبىرتانوۆ قازاقستاندا ەكى ادامنىڭ كوروناۆيرۋس جۇقتىرعانىن جەتكىزگەن ەدى. كوپ وتپەي ميلان قالاسىنان نۇر- سۇلتانعا كەلگەن تاعى ءبىر قازاقستاندىقتان كوروناۆيرۋس ينفەكتسياسى تابىلدى. كەيىن گەرمانيادان ۇشىپ كەلگەن قازاقستاننىڭ تاعى ءبىر ازاماتىنان كوروناۆيرۋس انىقتالدى. وسىلايشا بۇل دەرتكە شالدىققاندار سانى 4 ادامعا جەتكەن ەدى.
