يممۋنيتەتتى كوتەرۋدىڭ 14 ءتاسىلى
1. ءۇي جانۋارىمەن دوس بولىڭىز. زەرتتەۋلەر يتپەن سەرۋەندەۋ، مىسىقتى سيپالاۋدىڭ قان قىسىمىن قالىپتا ۇستاۋعا كومەكتەسەتىنىن، حولەستەرين مولشەرىن رەتتەۋ مەن جۇرەك جۇمىسىن جاقساتۋدا دا وڭدى اسەرى بارىن انىقتاعان. ولاردان بولىنەتىن جاعىمدى قۋات ۆيرۋستى جويادى، ال جاعىمدى قۋات يممۋنيتەتتى كوتەرەدى ەكەن. مۇنى نەمىس عالىمدارى ايتادى.
2. دوستارمەن كەزدەسىپ، ولارمەن ءتۇرلى تاقىرىپتا اڭگىمەلەسۋ جۇيكەگە جايلىلىق سىيلايدى، كوڭىلدى سەرگىتەدى، ميدىڭ تىنىعۋىنا كومەكتەسەدى. جاقىن دوسىڭىزبەن وتكىزگەن جارتى ساعات ميعا ەكى كۇندىك تىنىعۋ سىيلايدى. ال مي تىنىق بولسا، اعزا اۋرۋعا الدىرمايدى. يسپان زەرتتەۋشىلەرى سەنىمدى دوسى كوپ ادامنىڭ از اۋىراتىنىن، دوسى از قاتارلاستارىنان ۇزاق جاسايتىنىن ايتادى.
3. كوڭىلدى ءجۇرۋ دە اۋرۋ جولاتپاۋدىڭ ءبىر جولى. بولماشىنى ۋايىمعا اينالدىراتىن ادامدارعا قاراعاندا قيىندىقتى وتپەلى سىناق دەپ قابىلدايتىندار از اۋىرادى ەكەن. وپتيميستەر پەسسيميستەرگە قاراعاندا تۇماۋعا %50 از شادىعادى.
4. قالجىڭداۋ دا قالجىراي شارشاۋ مەن جۇيكەلەۋدەن قورعاي الادى. ويتكەنى ءازىل- قالجىڭ كوڭىلدى كوتەرۋگە، كۇلكى شاقىرۋعا سەبەپ بولادى دا، ءسويتىپ اعزادا قۋانىش گورمونىن ءبولۋ ارقىلى جۇيكە تالشىقتارىنا جاعىمدى قۋات جەتكىزەدى. ال بۇل قۋات ۆيرۋستارعا قارسى تابيعي ۆاكتسينا دەسەك تە بولادى.
5. ماحاببات تا يممۋنيتەتتى كوتەرۋدىڭ ءتيىمدى جولى. ءومىردى، دوستارىڭىزدى، جۇمىسىڭىزدى جاسى كورىڭىز. جاقىندارىڭىزعا جىلى ءسوز ايتىڭىز. وسىلاي ولاردى دا، ءوزىڭىزدى دە مەيىرىم مەن ماحابباتقا بولەي وتىرىپ، اعزاڭىزداعى جاعىمدى قۋاتتى كوبەيتەسىز.
6. قاراما- قايشى ءتۇستى جەمىس- جيدەك پەن كوكونىس جەۋدىڭ دە كومەگى زور. مىسالى، كۇنىنە ءبىر دانادان پوميدور مەن قيار، ەرتەڭىنە، كيۆي مەن ماندارين، سوسىن ليمون مەن قىزىل الما جەپ تۇرساڭىز، ول اعزاداعى ءولى كلەتكانى ءتىرىتىپ، جاسۋشالاردى جاڭارتادى. رەسەي عالىمدارى مۇنداي «ءتۇرلى- ءتۇستى» تەراپيا اعزانى قارتايتاتىن ەركىن راديكالداردى جويىپ، يممۋنيتەتتى نىعايتاتىنىن دالەلدەگەن.
7. ا، س، د، ە ۆيتاميندەرى، تسينك پەن ماگنيگە باي ازىق تۇرلەرىمەن قورەكتەنسەڭىز اعزانىڭ قىسقى سۋىققا قارسى قورعانىسى كۇشەيەدى. ويتكەنى اعزانى سۋىقتان قورايتىن باستى قارۋىڭىز وسى ۆيتاميندەر مەن ميكروەلەمەنتتەر.
8. فاست- فۋد، گازدى سۋسىن، دايىن اس پەن ءتاتىنى ازايتىڭىز. ولار اعزاداعى ۆيتامين مەن مينەرال تەپە- تەڭدىگىن بۇزادى، ونداعى تاعامدىق قوسپالار اللەرگيا، باسپا، باسقا دا تاماق اۋرۋلارىن قوزدىرىپ، اۋرۋدى اسقىندىرادى.
9. بيولوگيالىق بەلسەندى قوسپالارعا قۇمار بولماڭىز. سارىمساق، جەنشەن، س ءۆيتامينى، باسقا دا اەلەمەنتتەرگە باي دەگەنمەن، ولاردىڭ قۇرامىندا تاعامدىق قوسپالار كوپ بولادى جانە باد- تار اعزاداعى ميكروەلەمەنتتەردىڭ تەپە- تەڭدىگىن بۇزۋى مۇمكىن.
10. سپورتپەن اينالىسىڭىز. جاي عانا سەرۋەندەۋ، ۆەلوسيپەد تەبۋ، كونكيمەن سىرعاناۋ، كۇندەلىكتى جەڭىل جاتتىعۋدىڭ ءوزى سترەسستەن ساقتايدى، وستەوپوروزدىڭ الدىن الادى، ول جۇرەك پەن قاتەرلى ىسىك اۋرۋلارىنا قارسى كۇرەستىڭ ءبىر ءتۇرى سانالادى. سونداي- اق زات الماسۋ، قان اينالىمىن رەتەپ، يممۋنيتەتتى دە نىعايتادى.
11. ۇيقىڭىز قالىپتى بولسىن. ول جۇيكەنى شيرىعۋدان، زەيىندى تومەندەۋدەن، بۇلشىق ەتتى السىرەۋدەن، اعزانى شارشاۋدان ساقتايدى. تابەتتىڭ قالىپتى بولۋى، ويدىڭ تۇنىقتىعى، كوزدىڭ كورۋ قابىلەتىنىڭ ساقتالۋى دا ۇيقىعا تىكەلەي بايلانىستى. سونداي- اق تولىققاندى ۇيقى مىقتى يممۋنيتەتتىڭ سەنىمدى سەرىگى.
12. الكوگولدەن اباي بولىڭىز. ونىڭ زيانى ايتپاسا دا بەلگىلى، ونىمەن قوسا ءسپيرتتى ىشىمدىكتەر يممۋنيتەتتىڭ ەڭ ۇلكەن جاۋى. قاتتى سۋىقتا دەنەنى جىلىتقانداي الدامشى سەزىم سىيلاي وتىرىپ ول ىشتەي مممۋنيتەتتى كۇيرەتىپ جاتاتىنىن ۇمىتپاڭىز.
13. تەمەكى ينسۋلت، استما، جۇرەك پەن وكپە اۋرۋلارىنا سەبەپشى عانا ەمەس، يممۋنيتەتتىڭ السىرەپ، سىرتقى شابۋىلداردان قورعانۋىنا كەدەرگى كەلتىرەتىن باستى جاۋ.
14. قولىڭىزدى كۇنىنە بىرنەشە مارتە سابىنمەن جۋىپ تۇرىڭىز. ونداي مۇمكىندىك بولماسا %70 دىق سپيرتپەن ءسۇرتۋ كەرەك. ول الاقانداعى ۆيرۋس پەن باكتەريالاردى جويادى. ال زەرتتەۋلەر ادام الاقانىندا 10 ميلليونعا دەيىن باكتەريا بولاتىنىن دالەلدەگەن. ولاردىڭ ىشىندە سالمونەللا، برۋتسەللا، ستافيلوكوكك، ىشەك تاياقشالارى سەكىلدى قاۋىپتى جۇقپالار مەن ءتۇرلى ينفەكسيالار بار!
