شاڭحاي ىنتىماقتاستىق ۇيىمىنا مۇشە ەلدەردىڭ سىرتقى ىستەر مينيسترلەر كەڭەسىندە 14 قۇجاتتىڭ جوباسى بەكىتىلدى
ول قۇجاتتار وسى جىلدىڭ 9-10 - ماۋسىمىندا قىتايدىڭ چيڭداۋ قالاسىندا وتەتىن ش ى ۇ مۇشە ەلدەر باسشىلارىنىڭ سامميتىندە قول قويىلۋى ءتيىس، دەپ حابارلايدى «قازاقپارات» ح ا ا قىتايداعى مەنشىكتى ءتىلشىسى.
تاراپتار 2019-2021 -جىلدارعا ارنالعان تەرروريزم، سەپاراتيزم جانە ەكسترەميزممەن كۇرەس سالالارىنداعى، سونداي-اق ش ى ۇ مۇشە مەملەكەتتەردىڭ ۇزاق مەرزىمگە تاتۋ كورشىلىگى، دوستىعى جانە ىنتىماقتاستىعى جونىندەگى كەلىسىم ەرەجەلەرىن 2018-2022 -جىلدارى ىسكە اسىرۋ، 2018-2022 -جىلدارعا ارنالعان ۇيىمعا مۇشە ەلدەردىڭ يۋنەسكو-مەن ءوزارا ارەكەتتەستىگى، قورشاعان ورتانى قورعاۋ جانە ىندەت قاۋىپتەرىنە قارسى ارەكەت ەتۋ جونىندەگى ىنتىماقتاستىق كونسەپتسياسى بويىنشا قۇجاتتار جوبالارىن كەلىسىمدەدى.
سونىمەن قاتار، تاراپتار ش ى ۇ مۇشە مەملەكەتتەر باسشىلارى كەڭەسىنىڭ شيڭداۋ دەكلاراتسياسى جوباسىنا قاتىستى كەلىسىمگە كەلدى.
«ءۇندىستان مەن پاكىستان استانا سامميتىندە ۇيىمنىڭ تولىققاندى مۇشەلەرى رەتىندە قابىلدانعاننان كەيىن ىنتىماقتاستىق پەن ش ى ۇ- نىڭ حالىقارالىق ارەناداعى ابىرويى ارتا ءتۇستى. ش ى ۇ قىزمەتى حالىقارالىق قوعامداستىقتىڭ نازارىن وزىنە اۋدارعان الەمدەگى امبەباپ ۇلگىدەگى ەڭ ءىرى اۋماقتىق بىرلەستىككە اينالدى»، - دەدى س ءى م كەڭەسى وتىرىسىنىڭ قورىتىندىسى بويىنشا وتكەن باسپا ءسوز ءماسليحاتىندا ق ح ر سىرتقى ىستەر ءمينيسترى ۆان ي.
ول قىتايدىڭ ش ى ۇ-نا ءتوراعالىق ەتۋىنىڭ 3 ايقىن ەرەكشەلىگىن اتادى.
«بىرىنشىدەن، بۇل جان-جاقتىلىق. قىتاي تاراپى بارلىق تاراپتاردىڭ ۇسىنىستارىن نازارعا الادى. ءتوراعالىق ەتۋ اياسىندا ىنتىماقتاستىقتىڭ بارلىق اسپەكتىلەرىن قامتيتىن 120-دان استام ءىس- شارا ءساتتى وتكىزىلدى. ولاردىڭ ىشىندە ساياسات، قاۋىپسىزدىك، مادەنيەت، سىرتقى بايلانىستار بار. ەكىنشى ەرەكشەلىك - بۇل بەلسەندى قاتىسۋ. قىتاي تاراپى مۇشە ەلدەر عانا ەمەس، سونداي-اق، باقىلاۋشى مەملەكەتتەر مەن ديالوگ قۇرۋداعى سەرىكتەستەر دە بەلسەندى قاتىسقان مازمۇندى جانە الۋان ءتۇرلى ءىس-شارالاردى ۇيىمداستىردى. قاتىسۋشىلار اراسىندا شەنەۋنىكتەرمەن قوسا، ساراپشىلار، عالىمدار مەن باق، جاستار جانە قوعام وكىلدەرى بار»، - دەدى قىتاي ديپلوماتى.
ونىڭ ايتۋىنشا، ش ى ۇ ءسامميتىن وتكىزۋدەن بۇرىن پارتيالار فورۋمى، ب ا ق فورۋمى، ايەلدەر فورۋمى جانە ۋشۋدان جارىس فەستيۆالى وتەدى.
ەستەرىڭىزگە سالا كەتەيىك، شيڭداۋدا وتەتىن ش ى ۇ سامميتىنە سوڭعى دايىندىق كەزەڭدەرىنىڭ ءبىرى سانالاتىن ش ى ۇ س ءى م كەڭەسىنىڭ وتىرىسىنا ق ح ر سىرتقى ىستەر ءمينيسترى ۆان يدىڭ ءتوراعالىق ەتۋىمەن ق ر سىرتقى ىستەر ءمينيسترى قايرات ءابدىراحمانوۆ، سونداي-اق، قىرعىزستان، وزبەكستان، تاجىكستان، رەسەي، ءۇندىستان، پاكىستان ەلدەرىنىڭ سىرتقى ىستەر ءمينيسترى مەن ش ءى ۇ باس حاتشىسى راشيد اليموۆ قاتىستى.
