باي بولۋدىڭ 14 قۇپياسى
باي بولام دەسەڭىز، تابىستى ادامداردىڭ بىرنەشە داعدىسىن ۇيرەنىپ الىڭىز. تابىس پەن بايلىقتىڭ قۇپياسىن جاسىرعان داعدىلارمەن تانىسايىق، دەپ حابارلايدى اسىل ارنا.
►بارلىق پروبلەمالارىڭىزدى بارىنشا قىسقا مەرزىمدە شەشۋ، كەيىنگە قالدىرماۋ، سوزباۋ، ۋشىقتىرماۋ. ادەتتە، پروبلەمانىڭ سالدارىن جويۋدان گورى ونى باستاپقى كەزىندە رەتتەۋگە از كۇش- جىگەر كەتەدى. قاتەلەسەتىن بولساڭىز دا شەشىم قابىلداۋدان قورىقپاڭىز، بۇل ەشقانداي شەشىم قابىلداماعاننان جاقسى. كوپ ويلانىپ- تولعانۋدان ارىلىڭىز. ءبىر وي كەلسە، ول جايدان- جاي كەلگەن جوق، سىلتاۋ ىزدەمەي، مۇمكىنشىلىك جاساڭىز. باي بولۋ ءۇشىن باسقالاردان كوپ ەڭبەك ەتۋ كەرەك، سوندا عانا تابىسقا جەتەسىز.
►قۇندىلىق جاساۋ. ءار ءتۇرلى تاسىلدەرمەن قۇندىلىق قالىپتاستىرىپ، جيناقتاڭىز. ءسىزدى قورشاعان ادامدار ءۇشىن ءوزىڭىزدىڭ قۇندىلىعىڭىزدى ارتتىرىڭىز. اينالاداعىلار ءۇشىن قۇندى تاۋارلار عانا ءوندىرىڭىز، سوندا ولار وزدەرى سىزگە قاجەتتى اقشانى اكەپ بەرەدى. ۇيالماي تاۋارلارىڭىزدىڭ بارلىق قۇندىلىقتارى مەن پايداسىن تولىق سيپاتتاڭىز. ءوزىڭدى- ءوزىڭ ماقتاماساڭ، ەشكىم ماقتامايدى.
► قىزىعۋشىلىق ءۇشىن جۇمىس جاساۋ. جۇمىسقا ىنتا بولماسا، وندا مۇنداي جۇمىس ىستەۋگە تۇرمايدى. ال ىنتا بولۋ ءۇشىن ول جۇمىستى ءسىز جاقسى كورۋىڭىز كەرەك. ءوزىڭىزدىڭ قىزىعۋشىلىعىڭىز، قاجەتتى ءبىلىم مەن داعدى الۋ ءۇشىن جۇمىس جاساڭىز.
►بيىك ماقساتتار قويۋ. ءبىر ايدا 5 مىڭ دوللار تابۋدى ماقسات ەتىڭىز. ودان از قويماڭىز. نەعۇرلىم بيىك ماقسات قويساڭىز، سوعۇرلىم تەز جەتەسىز. سەبەبى، ەگەر ادام 200 مەترگە جارىسسا، ول مارەگە جەتكەن جەردە شارشايدى. ال، 6 ك م- گە ماقسات قويسا ول 200 مەترگە دە شارشاماي جەتەدى.
► ءتىل تاپقىشتىق. اقشانى باسقا كىسىلەر الىپ كەلەدى. ولارمەن ارالاسىڭىز، ولاردى قىزىقتىرىڭىز، سوندا ولار سىزگە اقشالارىن قۋانا تاپسىرادى. تۇنەرگەن، تۇيىق ادام بولماڭىز، مۇنداي ادامداردىڭ باي بولۋى سيرەك كەزدەسەدى.
► ءوزىڭىزدى جەڭىمپازدارمەن قورشاۋ. ساراڭ، ەرىنشەك ادامدار تومەنگە تارتادى، تاۋەكەل ەتۋ مەن پايدا تابۋدان اينىتادى، ويتكەنى ولار وزدەرى پايدا تابا المايدى. پايدا تابا الاتىندارمەن ارالاسىڭىز، ولاردىڭ باعا جەتپەس تاجىريبەسىن ءسىڭىرىڭىز، ول تۋرالى مەكتەپ وقۋلىقتارىندا جازبايدى. ءوزىڭىزدى تابىستىلارمەن جانە وپتيميستەرمەن قورشاڭىز. ولار تابىستى جانە باي بولۋعا كومەك بەرەدى.
►جاۋاپتىلىق الۋ. جوقشىلىقتىڭ سەرىگى - جاۋاپسىزدىق. باي بولعىڭىز كەلسە، وزىڭىزگە جاۋاپكەرشىلىك الۋدان قورىقپاڭىز، ودان جالتارماڭىز، ودان پايدا تابۋدى ۇيرەنىڭىز.
►بيزنەس جاساڭىز. ەگەر سىزدە اقشا از بولسا، كاسىپ جاساڭىز. ەگەر سىزدە مۇلدەم اقشا جوق بولسا، وندا دەرەۋ، ءدال قازىر بيزنەس جاساڭىز! وي ىزدەڭىز، ونى بيزنەس جوباڭا اينالدىرىڭىز جانە ينۆەستورلاردىڭ نازارىن اۋدارىڭىز.
► پاسسيۆتى تابىس كەلتىرۋ جولىن جاساۋ. ءسىزدىڭ قاتىسۋىنسىز اقشا الىپ كەلەتىن پاسسيۆتى كىرىس كوزدەرىن جاساۋ جولدارىن ىزدەڭىز. ءپاسسيۆتى تابىس - ول ءسىزدىڭ كۇش- جىگەرىڭىزگە قاراماستان كەلەتىن تابىس. ءوزىڭىز تىنىم تاپپاي ەڭبەك ەتەتىن، بارلىق وپەراتسيانى ءوزىڭىز جاسايتىن كاسىپكە بيزنەستى قۇرماڭىز. جۇمىس جاسالۋدى، جۇمساۋدى ۇيرەنىڭىز.
►باي جانە تابىستى ادامداردى زەرتتەۋ. ولاردىڭ ءومىرباياندارىن، تابىسقا جەتۋ جولدارىن، نەدەن باستاعاندارىن، قالاي كەڭەيگەنىن زەرتتەڭىز. ولار قالاي ويلايتىنىن ءتۇسىنىپ كورىڭىز دە، سولاي ويلاڭىز. ينتەرنەتتە الەمنىڭ ەڭ باي ادامدارىنىڭ ءومىرباياندارى كوپ. ەڭ قۇرىعاندا، اسا كورنەكتىلەرىنىڭ ومىرباياندارىمەن تانىسىڭىز.
►وزىنە سۇراق قويۋ. مىناداي سۇراقتار: «مەن كىممىن؟ » ، «مەن نەگە بىرەگەيمىن؟ » ، «مەندە 000 456 789 123 دوللار بولسا، نە ىستەر ەدىم؟ » . كەلگەن پوزيتيۆتى ويلاردىڭ كۇشى مەن ەنەرگياسىن پايدالانىپ، ولاردى ارەكەت ەتۋگە، العا جىلجۋعا باعىتتاڭىز.
►ارمانداۋ. ارمان - ەڭ كۇشتى العا جەتەلەيتىن موتيۆاتسيالىق قۇرال. ارمانداڭىز جانە ارماندارىڭىز ورىندالاتىنىنا سەنىڭىز. ءبىراق، ەشقاشان قيالداماڭىز. قيالدار جۇزەگە اسىرىلۋىن تالاپ ەتپەيدى، ال ارماندار تالاپ ەتەدى. ادام ارمانداۋدى دوعارعاندا، دامۋ مەن العا جىلجۋدى توقتاتادى.
►جاردەمدەسۋ. شىن جۇرەكتەن كومەكتەسىڭىز. ءبىراق، ءوزىڭىز قالاعان ادامعا عانا قول ۇشىن سوزىڭىز. ۇنەمى كومەك سۇرايتىندارعا كومەكتەسپەڭىز. ونداي ادامدار بوتەننىڭ مەيىرباندىعىنا ارامتاماق بولادى. كومەك كورسەتۋدى دوستارىڭىزبەن جانە تۋىسقاندارىڭىزبەن شەكتەمەڭىز. مەيىلىنشە كوپ ادامعا كومەك كورسەتسەڭىز، بارىنشا كوپ ادام سىزگە جاردەمدەسەدى.
►بەرىلمەۋ. ەشقاشان بەرىلمەڭىز، ارەكەت ەتىڭىز، ءبىر ورىندا تۇرماڭىز، دامىڭىز، ورتاڭىزدى دامىتىڭىز. جوقشىلىقپەن كۇرەسىڭىز، جوقشىلىق - بارلىق ادامداردىڭ جاۋى، كىم ونىمەن جاقسى كۇرەسەدى، سول باي جانە تابىستى بولادى.
