الەمدى وزگەرتكەن سپورتتاعى 14 ءسات - فوتو
سونداي اياۋلى شاقتاردىڭ ارقاسىندا ادامداردىڭ بويىندا ءۇمىت پەن سەنىم پايدا بولىپ، كەلەلى كەلەشەككە قادام باستى.
سۋرەتتەر allday.com سايتىنان الىندى
بۇل تۋرالى bigpicture.ru سايتى حابارلايدى.
ناسىلدىك كەمسىتۋشىلىك ساياساتى وڭتۇستىك افريكانىڭ ساياسي جانە الەۋمەتتىك قۇرىلىمىنا اسەر ەتتى. رەگبيدەن الەم چەمپيوناتىندا وار قۇراماسى جاڭا زەلانديالىق قارسىلاستارىن جەڭىپ كەتەدى. بۇل تاريحي جەڭىس ناسىلدىك كەلىسپەۋشىلىكتىڭ ءباسىن تومەندەتە الدى. بىرنەشە جىل بويى ەلدىڭ قارا ءناسىلدى تۇرعىندارىنىڭ قۇقى ءۇشىن كۇرەسكەن وار پرەزيدەنتى نەلسون ماندەلا كوماندا كاپيتانى فرانسۋا پەنارۋدىڭ قولىن الىپ قۇتتىقتاعان.
ليۋدۆيگ گۋتتمان ەسىمدى بريتاندىق دارىگەر ەكىنشى دۇنيەجۇزىلىك سوعىس ارداگەرلەرىنە كومەكتەسۋ ءۇشىن، مۇگەدەكتەر ارباسىنا تاڭىلعان ازاماتتار اراسىندا حالىقارالىق سپورت سايىستارىن ۇيىمداستىرادى. كەيىننەن بۇل پاراليمپيالىق ويىندارعا اينالىپ كەتكەن ەدى.
1936 -جىلى بەرليندەگى وليمپيادالىق ويىندار گيتلەر تەورياسىنا سايكەس ارييلىك ناسىلدەردىڭ باسىمدىلىعىمەن ءوتۋى ءتيىس ەدى. الايدا ونىڭ جوسپارىن امەريكالىق قارا ءناسىلدى جەڭىل اتلەت دجەسسي وۋەنس بۇزدى. ول 100, 200 مەترگە جانە 400 مەترلىك ەستافەتاعا جۇگىرۋدە، ۇزىندىققا سەكىرۋدە ءتورت دۇركىن وليمپيادا چەمپيونى اتاعىنا قول جەتكىزەدى. ونىڭ تۇعىردا قۇرمەت كورسەتىپ تۇرعان تانىمال سۋرەتى ۇزىندىققا سەكىرۋ بويىنشا جەڭىمپاز اتانىپ ماراپاتتالىپ جاتقان ءساتى ەدى. اقش- قا ورالعاننان كەيىن دە گيتلەر جوسپارىنىڭ تالقانىن شىعارعان دجەسسيدىڭ قۇتتىقتاۋ قابىلداۋ مەن ءتۇرلى ماراپاتتاردان قولى بوساعان جوق.
تاعى ءبىر تاريحي وقيعا 1968 -جىلى مەحيكو وليمپياداسىندا بولدى. توممي سميت جانە دجون كارلوس ەسىمدى سپورتشىلار ءبىرىنشى جانە ءۇشىنشى ورىندى لايىقتى الدىق دەپ جۇدىرىقتارىن ءتۇيىپ جوعارى كوتەرەدى. بۇل قيمىلدارىن ولار ا ق ش ءانۇرانى ورىندالعان ساتتە دە قايتالايدى.
بەلگىلى امەريكالىق بەيسبولشى لۋ گەريگ 36 جاسىندا اميوتروفيكالىق سكلەروز اۋرۋىنا ۇشىراپ سپورتتان كەتۋگە ءماجبۇر بولادى. سپورتشى ءۇشىن ارنايى قوشتاسۋ سالتاناتى ۇيىمداستىرىلادى. ا ق ش- تا جانە كانادا دا اميوتروفيكالىق سكلەروز "لۋ گەريگ اۋرۋى" دەپ تە اتالادى.
بەلگىلى امەريكالىق ۆەلوشاباندوز لەنس ارمسترونگتان راك اۋرۋى انىقتالعان. الايدا، سپورتشى بۇل اۋرۋدى جەڭىپ 7 مارتە "تۋر دە فرانستى" ۇتىپ الادى. ونىڭ بۇل ارەكەتى كوپ ادامدى العا جەتەلەپ، سەنىم سىيلادى.
كەرەمەت سپورتگشى بوببي مارتين انا قۇرساعىنان اياقسىز تۋىلعان. ءبىراق، بۇل ءجايت ونىڭ امەريكالىق فۋتبولمەن اينالىسىپ، ءتىپتى ۋنيۆەرسيتەت نامىسىن قورعاۋىنا دا كەدەرگى بولعان جوق.
1900 -جىلعى پاريجدەگى وليمپيادا ويىندارىنا دەيىن ايەلدەرگە بۇل جارىسقا قاتىسۋعا رۇقسات بەرىلمەيتىن. سول جىلى تەننيس پەن گولفقا ايەلدەردىڭ دە قاتىسۋ ماسەلەسى شەشىمىن تاپتى. ال 2012 -جىلعى لوندون وليمپياداسىندا تۇڭعىش رەت ايەلدەر بوكسى سايىس باعدارلاماسىنا ەنگىزىلدى.
1965 -جىلى كاسسيۋس كلەي اۋىر سالماقتا الەم چەمپيونى اتاعىن جەڭىپ الدى. ەرتەڭىنە ول "يسلام ۇلتتارىنىڭ" مۇشەسى اتانعانىن ايتىپ، ەسىمىن مۇحاممەد ءالي دەپ وزگەرتەدى. ول ۆەتنامداعى سوعىسقا دا بەلسەنە قاتىستى. وسىنىڭ كەسىرىنەن چەمپيوندىق اتاعىنان، بەلبەۋلەرىنەن ايرىلدى.
1947 -جىلى ءساۋىر ايىندا بەيسبولشى دجەكي روبينسون "برۋكلين دودجەرس" كلۋبىمەن كەلىسىمگە كەلىپ امەريكا باستى ليگاسىنداعى تۇڭعىش قارا ءتۇستى ويىنشى اتاندى. ونىڭ ومىرىنە تونگەن قاپتاعان قاۋىپ- قاتەرگە قاراماستان ءوز تالانتىنىڭ ارقاسىندا كەرەمەت جەتىستىكتەرگە قول جەتكىزدى.
1973 -جىلى 20 -قىركۇيەكتە ايەلدەر اراسىندا تەننيس چەمپيونى بيللي دجين كينگ الەمنىڭ بۇرىنعى ءبىرىنشى راكەتكاسى بوببي ريگسكە قارسى شىعادى. ول قانشا جەردەن مىقتى بولسا دا، قارسىلاسىن جەڭۋگە بولاتىنىن سەزەدى. ناتيجەسىندە كينگ ريگگستى ۇتىپ كەتىپ، 100000 دوللار سىياقىعا كەنەلەدى.
شىققان تەگى يامايكالىق بولىپ سانالاتىن كانادالىق جەڭىل اتلەت بەن دجونسون 1988 -جىلعى سەۋل وليمپياداسىندا الەمدىك رەكوردقا قول جەتكىزەدى. ءۇش كۇننەن سوڭ سپورتشى ستەرويدتى دارمەك ءىشىپ ۇستالىپ، اتاعىنان ايىرىلادى. ول ءتورت جىلدان سوڭ بارسەلونا وليمپياداسىنا قاتىسا العانىمەن، تاعى دا رۇقسات ەتىلمەگەن پرەپاراتتار پايدالانىپ ۇستالىپ قالادى. 1993 -جىلى سپورتشى سپورتتان ءومىر بويىنا شەتتەتىلدى.
وگاستا قالاسىنداعى ۇلتتىق گولف- كلۋبى 1975 -جىلعا دەيىن قارا ءناسىلدى سپورتشىلاردى قابىلداماعان. 1997 -جىلى 21 جاسار تايگەر ۆۋدس "ماستەرس" تۋرنيرىندە جەڭىسكە جەتىپ، بۇل گولف- كلۋبتىڭ قاتىسۋشىسى اتانادى.
امەريكالىق فۋتبولشى رەدجي بۋش ءوز كومانداسىمەن بىرگە وڭتۇستىك كاليفورنيا ۋنيۆەرسيتەتىنىڭ اتىنان جارىستارعا قاتىسىپ، بىرنەشە جەڭىسكە جەتەدى. 2005 -جىلى جاقسى وتكىزگەن ماۋسىمى ءۇشىن حەيسمەن سىيلىعىمەن ماراپاتتالادى.
